شمالی کشمیر کے ضلع بارہمولہ کے سوپور کے ماڈل ٹاؤن علاقے میں بدھ کی شام پیش آئے ایک سڑک حادثے میں 35 سالہ خاتون کی موت ہو گئی اور اس کی ایک بچی حادثہ میں شدید زخمی ہوئی ہے جس کو علاج و معالجہ کے لیے سب ضلع ہسپتال منتقل کیا گیا۔
اطلاع کے مطابق سوپور قصبہ کے ماڈل ٹاؤن اے میں تقریبا چار بجے ایک تیز رفتار ٹرک کی زد میں آکر موٹر سائیکل پر سوار خاتون کی موت ہوگئی۔ پولیس نے اس حادثہ کی تصدیق کرتے ہوئے خاتون کی شناخت میسرہ بیگم زوجہ عبدالرحیم کمار کے طور پر کی ہے۔
مزید پڑھیں: بارہمولہ: تین عسکریت پسندوں کے معاونین کو گرفتار کرنے کا دعویٰ
اس حوالے سے پولیس نے موقع پر پہنچتے ہی ڈرائیور اور گاڑی کو اپنی تحویل میں لے لیا اور اس کے خلاف ایک کیس درج کر کے مزید تحقیقات شروع کردی ہیں۔ پولیس کے مطابق قانونی و دیگر کارروائی کے بعد لاش کو آخری رسومات کے لیے اہل خانہ کے حوالے کر دیا گیا ہے۔
