پیر زادہ داور نے بیچلرز آف آرٹس گریجویشن کے امتحانات میں نمایاں کامیابی حاصل کی ہے اور انہوں نے کشمیر یونیورسٹی میں پہلا مقام حاصل کیا ہے۔
حال ہی میں صدر جمہوریہ ہند رام ناتھ کووند نے سرینگر کے ایس کے ای سی سی میں ان تمام طلبہ کو انعامات سے نوازا۔ جب کہ پیر زادہ داور نے دو گولڈ میڈل حاصل کیے۔
داور نے ہمیں بتایا کہ انہیں کافی خوشی ہورہی ہے۔ انہوں نے نہ صرف اپنے خاندان کا نام روشن کیا بلکہ جموں و کشمیر میں اول درجے کی برتری حاصل کرکے انہوں نے وادیٔ کشمیر کا نام بھی روشن کیا ہے۔
انہوں نے کہا کہ وہ نوجوانوں کو پیغام دینا چاہتے ہیں کہ زندگی میں کبھی بھی انسان کو ناکامی کی طرف نہیں دیکھنا چاہئے بلکہ انسان کو ہمیشہ کوشش کرتے رہنا چاہیے۔
مزید پڑھیں:'کشمیر کی نئی پود کو اپنی عظیم وراثت سے سبق لینا چاہئے'
پیر زادہ جیسے طالب علم ہی قوم و ملت کے لیے مشعل راہ ہوتے ہیں، جو اپنی محنت و صلاحیت کے ذریعے کامیابی کی بلندیوں پر پہنچتے ہیں۔
