پرائمری ہیلتھ سینٹر جانے کے لیے ابھی تک سڑک تعمیر نہیں کی گئی

شمالی کشمیر کے ضلع بانڈی پورہ کے جس علاقے میں کچھ سال قبل ایک پرائمری ہیلتھ سینٹر تعمیر کیا گیا تھا۔ تاہم وہاں جانے کے لیے ابھی تک سڑک تعمیر نہیں کی گئی ہے۔

لمبی جدو جہد کے بعد انتظامیہ کی جانب سے ایک طبی مرکز تعمیر تو کیا گیا لیکن علاج و معالجے کے لئے ہیلتھ سینٹر جانے والے افراد کے لیے مناسب راستہ ہی موجود نہیں ہے۔ مقامی لوگوں کا کہنا ہے کہ ہیلتھ سینٹر میں گاڑی یا ایمبولینس کا پہنچنا تو دور مریضوں کا پیدل جانا بھی دشوار ہے۔

ای ٹی وی بھارت سے علاقے کے لوگوں نے ضلع انتظامیہ پر الزامات عائد کرتے ہوئے کہا کہ 'اس اہم مسئلے کی جانب کوئی توجہ نہیں دی جا رہی ہے۔