ضلع بانڈی پورہ کے اندرکوٹ سمبل سوناواری میں بھی آج آئی سی ڈی ایس کی جانب سے ایک بیداری پروگرام کا انعقاد کیا گیا پروگروم میں خواتیں میں بچے پیدا ہونے سے پہلے کی دیکھ بھال، خون کی کمی، بچوں کی پرورش، لڑکیوں کی تعلیم، خوراک، شادی کی صحیح عمر، حفظان صحت اور صفائی ستھرائی اور غذائیت سے بھر پور غذا کھانے کی اہمیت کے بارے میں خواتین کو آگاہی دی گئی۔
اس دوران محکمۂ آئی سی ڈی ایس کے ساتھ میونسپل کمیٹی سمبل کے اراکین بھی موجود تھے۔ پروگرام آنگن واڑی مرکز اندرکوٹ میں منعقد کیا گیا جس میں خواتین کی اچھی تعداد نے شرکت کی۔
مزید پڑھیں:آسیہ پارما یونیورسٹی میں داخلہ حاصل کرنے والی دنیا کی پانچ طلبہ میں شامل
قومی تغذیہ ماہ کے تحت ستمبر کے مہینے کو پورے ملک میں راشٹریہ پوشن ماہ یا نیشنل نیوٹریشن ماہ کے طور پر منایا جارہا ہے۔ پوشن ابھیان کا آغاز سنہ 2018 میں ہوا تھا۔ اس کا مقصد خوراک میں غذائیت کی کمی کے چیلنجوں پر توجہ دینا ہے۔
خواتین اور بچوں کی ترقی کے محکمہ کو اس ابھیان کا نوڈل محکمہ بنایا گیا ہے۔
