اننت ناگ: جموں و کشمیر کے اننت ناگ میں محکمہ یوتھ سروسز اینڈ اسپورٹس کے زیر اہتمام منعقد ہوانے والے انٹر زون مقابلے ختم ہوئے۔ اس میں والی بال، کھو کھو اور کبڈی کے 14 اور 17 سال سے کم عمر کے طلباء کے مقابلے ہوئے۔ ان سرگرمیوں میں اچھہ بل کے مختلف اسکولوں کے طلباء کی کثیر تعداد نے شرکت کی۔ Sports Competition in Anantnag
اس دوران یوتھ سروسز اینڈ اسپورٹس کے ڈسٹرکٹ افسر مشتاق احمد پانپوری نے کہا کہ کھیل ہر انسان کی زندگی کا ایک اہم جزو ہے اور یہ ہماری صحت کو بہتر بنانے کے ساتھ ساتھ نظم و ضبط، محنت، صبر، احترام، ٹیم ورک وغیرہ جیسی اچھی خصوصیات سکھانے میں بے حد مدد کرتا ہے۔ انہوں نے مزید کہا کہ یوتھ سروسز اینڈ اسپورٹس محکمہ مختلف کھیلوں اور کھیلوں کی سرگرمیوں میں لڑکیوں اور لڑکوں کی بڑے پیمانے پر شرکت کو یقینی بنانے کے لیے پرعزم ہے۔
ڈسٹرکٹ افسر نے مزید کہا کہ غیر نصابی سرگرمیاں انسان کی ہمہ جہت ترقی میں اہم کردار ادا کرتی ہیں۔ لوگوں کو کھیلوں کے جیتنے اور ہارنے والے پہلوؤں میں نہیں رہنا چاہیے بلکہ طلبا کو تجربہ اور اچھا جذبہ و احساس حاصل کرنے کے لیے زیادہ سے زیادہ کھیلوں میں حصہ لینا چاہیے۔
