سریگفوارہ کے، کے کلان میں سکیورٹی فورسز اور عسکریت پسندوں کے درمیان تصادم جاری ہے۔ سیکوریٹی فورسس کے مطابق انکاونٹر میں ایک عسکریت پسند کو مارا گرایا گیا جبکہ ایک اور عسکریت پسند کے چھپے رہنے کی اطلاع ہے۔
آئی جی پی کشمیر کے مطابق انکاونٹر میں ہلاک عسکریت پسند کی شناخت کاڈی پورہ کے رہنے والے فہیم بھٹ کی حیثیت سے کی گئی۔ بتایا گیا ہے کہ فہیم بھٹ نے کچھ روز قبل ہی آئی ایس جے کے میں شمولیت اختیار کی تھی جبکہ بجبہاڑہ پولیس سے وابستہ اے ایس آئی محمد اشرف کے قتل معاملہ میں بھی فہیم کے ملوث ہونے کا انکشاف ہوا ہے۔
تازہ اطلاعات کے مطابق ضلع اننت ناگ میں موبائیل و انٹرنیٹ سرویس کو معطل کردیا گیا ہے۔
تفصیلات کے مطابق ضلع اننت ناگ کے، کے کلان سریگفوارہ علاقہ میں سکیورٹی فورسز نے ہفتہ کی شام اس وقت تلاشی کارروائی شروع Search Operation in Srigufwara کی جب انہیں علاقہ میں چند عسکریت پسندوں کے چھپے ہونے کی اطلاع موصول ہوئی۔
عسکریت پسندوں اطلاع ملنے کے بعد سکیورٹی فورسز نے فوراً علاقہ کا محاصرہ کیا اور گھر گھر تلاشی کارروائی شروع کی۔ جونہی سکیورٹی فورسز نے علاقے میں تلاشی کارروائی شروع کی تو چھپے عسکریت پسندوں نے سکیورٹی فورسز پر اندھا دھند فائرنگ کی۔
مزید پڑھیں:Encounter in Tral: ترال تصادم میں دو مقامی عسکریت پسند ہلاک
واضح رہے کہ آج سیکورٹی فورسز نے شوپیاں اور ترال علاقے میں چار مقامی عسکریت پسندوں کو ہلاک کیا۔
