کوکرناگ: ڈانڈی پورہ پارک میں گندگی سے لوگ پریشان

لوگوں کا کہنا ہے کہ جب بھی کوئی مقامی یا غیر مقامی یا غیر ملکی سیاح پارک آتے ہیں، تو پارک میں پھیلی گندگی کے ڈھیر کے سبب یہاں ٹھہرنا پسند نہیں کرتے ہیں۔ جس سے نہ صرف سیاحتی مقام پر منفی اثرات مرتب ہو رہے ہیں بلکہ محکمہ سیاحت پر بھی کئی سوالات کھڑے ہو رہے ہیں۔

جنوبی ضلع اننت ناگ کے کوکرناگ میں واقع ڈاندی پورہ پارک کو سنہ 2011 میں بچوں کے کھیلنے کودنے کے لیے تعمیر کرایا گیا تھا، یہاں کروڑوں روپے خرچ کرکے مختلف کھیل کود کے سامان فوارے بھی بھی بنائے گئے تھے۔ پارک کی دیکھ ریکھ کا سارا ذمہ کوکرناگ ڈیولپمینٹ اتھارٹی کو دیا گیا تھا۔تاہم کچھ عرصہ گزر نے کے بعد اب یہ پارک خستہ حالی کا شکار ہے۔

لوگوں نے اس وقت کی حکومت کے اس پارک کے تعمیر اور اسے سیاحتی نقشے پر لانے کے فیصلے کا خیر مقدم کیا تھا، کیونکہ علاقے کے لوگوں کو اس پارک سے روزگار بھی فراہم ہورہا تھا۔

لوگوں کا کہنا ہے کہ بچوں کے کھیلنے کودنے کے سامان پر کروڑوں روپے خرچ کیے گئے جو متعلقہ محکمہ کی عدم دلچسپی کے باعث اب خستہ حالی کا شکار ہے۔ جس کی وجہ سے بچے اس پارک سے کوئی دلچسپی نہیں لے رہے ہیں۔

وہیں اس تعلق سے کوکرناگ کے سیاسی رہنما کا کہنا ہے کہ اس پارک کی تعمیر و ترقی کے لیے کوکرناگ ڈیولپمینٹ اتھارٹی نے کروڑوں روپے صرف کیے، لیکن اب یہ پارک 'کے ڈی اے' عملے کے فقدان کے باعث یہ پارک خستہ حالی کا شکار ہے۔

لوگوں کا کہنا ہے کہ جب بھی کوئی مقامی یا غیر مقامی یا غیر ملکی سیاح پارک آتے ہیں، تو پارک میں پھیلی گندگی کے ڈھیر کے سبب یہاں رکنا پسند نہیں کرتے ہیں۔ جس سے نہ صرف سیاحتی مقام پر منفی اثرات مرتب ہو رہے ہیں بلکہ محکمہ سیاحت پر بھی کئی سوالات کھڑے ہو رہے ہیں۔

انہوں نے کوکرناگ ڈیولپمینٹ اتھارٹی پر الزام عائد کرتے ہوئے کہا کہ مذکورہ محکمہ میں من مانیاں عروج پر ہیں، جنہیں پوچھنے والا کوئی نہیں۔ مقامی لوگوں نے کہا کہ محکمہ کو جہاں اپنے مفادات نظر آتے ہیں وہیں اپنی صلاحیتوں کو بروئے کار لانے کے لئے اور بلیں ہڑپنے میں مصروف عمل ہیں۔

ان الزامات کی تردید کرنے کی غرض سے اگرچہ ای ٹی وی بھارت کے نمائندے نے کوکرناگ ڈیولپمینٹ اتھارٹی کے سی ای او محمد الطاف سے بات کرنا چاہا، تو انہوں نے کیمرا کے سامنے آنے سے انکار کیا۔

لوگوں کا کہنا ہے کہ مذکورہ پارک سے محکمہ کو اب تک کروڑوں روپے حاصل ہوئے ہیں۔

اس ضمن میں لوگوں نے گورنر انتظامیہ سے مطالبہ کیا کہ وہ پارک سے حاصل آمدنی سے مذکورہ پارک میں بچوں کے کھیلنے کودنے کے بوسیدہ ساز و سامان کو درست کرائے، تاکہ بچے اس پارک میں کھیل کود سکیں اور صحت افزا مقام پر صفائی ستھرائی کو یقینی بنائیں، تاکہ مستقبل میں سیاحوں کو دقت پیش نہ آئے۔