اننت ناگ کے انزولہ علاقہ میں پینے کے پانی کی شدید قلت

ضلع اننت ناگ کے انزولہ علاقہ کے لوگ پینے کے صاف پانی کی عدم دستیابی کی وجہ سے محکمہ جل شکتی سے نالاں ہیں، لوگوں کا کہنا ہے کہ انہیں گزشتہ سات برسوں سے پینے کے پانی کے حوالے کافی مشکلات درپیش ہیں۔

ان کا کہنا ہے کہ علاقہ میں پینے کے صاف پانی کی قلت کی وجہ سے مقامی لوگ نالے کا آلودہ پا نی پینے پر مجبور ہیں۔ جس کی وجہ سے علاقہ میں وبائی بیماریاں پھوٹ پڑنے کا اندیشہ ہے۔ مقامی لوگوں کے مطابق انہوں نے اس معاملہ کو لے کر کئی بار محکمہ جل شکتی کے اعلی افسران کا دروازہ کھٹکھٹایا، لیکن ہر بار انہیں نظرانداز کیا گیا۔

انہوں نے ضلع انتظامیہ سے معاملہ کی جانب توجہ دینے کی اپیل کی اور علاقہ میں پینے کے صاف پانی کی دستیابی کو یقینی بنانے کا پر زور مطالبہ کیا۔