ایئر چیف مارشل راکیش کمار سنگھ بھدوریا نے ہفتے کے روز ایئر فورس اکیڈمی، ڈنڈیگل، حیدرآباد میں منعقدہ مشترکہ گریجویشن پاسنگ آؤٹ پریڈ کا جائزہ لیا۔ ماویہ کے والد ونود سدن نے اپنی بیٹی کے کارنامے پر خوشی کا اظہار کیا۔ انہوں نے کہا ، "مجھے فخر محسوس ہورہا ہے۔ اب وہ صرف ہماری بیٹی نہیں بلکہ اس ملک کی بیٹی ہیں۔ ہمیں کل سے ہی مبارکبادی کے پیغامات مل رہے ہیں۔"
لڑاکا پائلٹ کی بہن، مانیتا سدن، جو شری ماتا وشنو دیوی شورائن بورڈ میں جے ای ہیں، نے اے این آئی کو بتایا کہ اسکول کے دنوں سے ہی ماویہ ایئر فورس کی طرف مائل تھیں اور وہ ہمیشہ لڑاکا پائلٹ بننا چاہتی تھیں۔ "مجھے اپنی چھوٹی بہن پر ناقابل یقین حد تک فخر ہے۔ بچپن سے ہی اس کا یہ خواب تھا۔ یہ ابھی ایک شروعات ہے۔ ہر کوئی اسے اپنی بیٹی کی طرح دیکھ رہا ہے۔ پورے ملک کے لوگ ماویہ کی تائید اور حوصلہ افزائی کررہے ہیں اور ہر ایک کے لئے یہ متاثر کن کہانی ہے۔"
والدہ سشما سدن نے کہا ، "مجھے خوشی ہے کہ ماویہ نے بہت محنت کی ہے اور اپنا مقصد حاصل کیا ہے۔ اس نے ہمیں قابل فخر بنایا۔" ان کی نانی پشپا دیوی نے کہا، "گاؤں کا ہر فرد ماویہ کی خبر پر خوش ہے۔"
