ترنمول کو ختم کرنے کا خواب دیکھنے والے آج خود اختلافات کا شکار

ریاستی وزیر شبینہ یاسمین نے بی جے پی کی قیادت والی مرکزی حکومت پر شدید تنقید کی اور کہا کہ بھگوا جماعت بہت جلد عوامی حمایت کھو دے گی۔

مغربی بنگال کے مالدہ ضلع کے ماتھاباڑی سے ترنمول کانگریس کی رکن اسمبلی اور وزیر شبینہ یاسمین نے ریاستی بی جے پی یونٹ پر تنقید کرتے ہوئے کہا کہ پارٹی کے رہنماؤں کے درمیان اختلافات کا مطلب پارٹی میں کچھ بھی ٹھیک نہیں ہے۔

ترنمول کانگریس کو ختم کرنے کا خواب دیکھنے والے آج خود اختلافات کے شکار ہیں

ریاستی وزیر شبینہ یاسمین نے بی جے پی کی قیادت والی مرکزی حکومت پر خوب تنقید کی اور کہا کہ بھگوا جماعت بہت جلد عوامی حمایت کھو دے گی۔

انہوں نے کہا کہ اسمبلی انتخابات کے نتائج کے بعد سے ہی جے پی اندرونی انتشار کا شکار ہے۔ اس کے لئے کوئی اور نہیں بلکہ پارٹی کے رہنما ہی ذمہ دار ہیں۔

رکن اسمبلی کا کہنا ہے کہ بابل سپریو کا سرگرم سیاست سے کنارہ کشی اختیار کرنے کا فیصلہ بی جے پی کے لئے بہت بڑا دھچکا ہے اور اس سے وہ ابھر نہیں سکتی ہے۔

ریاستی وزیر کے مطابق ترنمول کانگریس کو بی جے پی کے اندرونی معاملات اور اختلافات سے کوئی لینا دینا نہیں ہے۔ ہمیں دوسروں کے معاملے میں مداخلت کرنے میں کوئی دلچسپی نہیں ہے۔

انہوں نے کہا کہ بی جے پی کے رہنماؤں کو ایک بات یاد دلانا چاہتی ہوں کہ جو لوگ کہتے تھے کہ اسمبلی انتخابات کے بعد ترنمول کانگریس ختم ہو جائے گی۔

ممتابنرجی کی قیادت والی حکمراں جماعت ترنمول کانگریس پہلے سے زیادہ مضبوط بن چکی ہے اور بی جے پی کمزور ہوگئی ہے۔

انہوں نے کہا کہ حالت اب ایسی ہے کہ مغربی بنگال میں بی جے پی کے ارکان اسمبلی پارٹی میں کتنے دنوں تک رہیں گے اس پر بھی سوال اٹھنے لگا ہے۔ کہیں ایسا نہ ہو کہ بنگال میں بی جے پی ایک بار پھر صفر نہ ہو جائے۔