نئی دہلی: کانگریس کے سابق صدر راہل گاندھی نے حکومت پر جموں و کشمیر میں امن وسکون قائم کرنے میں ناکام رہنے کا الزام لگاتے ہوئے کہا کہ عسکریت پسند روزانہ کشمیری پنڈتوں اور دیگر کو قتل کر رہے ہیں۔ Rahul Gandhi Reacts Over Kashmir Situation
راہل گاندھی نے کہا کہ 'کشمیری پنڈت آج پھر ہجرت کرنے پر مجبور ہیں۔ بینک مینیجر، اساتذہ اور کئی بے گناہ لوگ روزانہ مارے جا رہے ہیں، کشمیری پنڈت ہجرت کر رہے ہیں۔ جنہیں ان کی حفاظت کرنی ہے، ان کے پاس فلم کی تشہیر سے فرصت نہیں ہے۔ بی جے پی نے کشمیر کو صرف اپنے اقتدار کی سیڑھی بنایا ہے۔ کشمیر میں امن کی بحالی کے لیے فوری اقدامات کریں، وزیراعظم جی۔' Rahul Gandhi Reacts Over Kashmir Situation
یہ بھی پڑھیں: Political Leaders Reaction on Civilian Killing : ’ٹیچر کے قتل پرکشمیری مغموم و سوگوار‘
انہوں نے کشمیر میں گزشتہ 20 دنوں میں ہونے والی ہلاکتوں کی تفصیلات بتاتے ہوئے کہا کہ '13 مئی کو ایک کشمیری پنڈت اور ایک پولیس اہلکار کو قتل کیا گیا، 26 مئی کو ایک فنکار کو قتل کیا گیا اور پھر 31 مئی کو کلگام میں اسکول میں ایک ہندو خاتون ٹیچر کو قتل کیا گیا اور آج ایک ہندو بینک منیجر کو گولی مار کر قتل کر دیا گیا ہے۔' Target Killing in Kashmir
یواین آئی
