جموں و کشمیر کے ضلع رامبن کے رامسو علاقہ میں آج صبح ایک کار حادثہ پیش آیا جس میں ایک شخص کی موت واقع ہوگئی ہے۔
رامبن: سڑک حادثہ میں کار ڈرائیور کی موت
پولیس ذرائع کے مطابق آلٹو کار نیو چیسز نمبرMA3EUA61S00J60014 جموں سے سرینگر کی طرف جا رہی تھی، رامسو کے بلاک دفتر کے مقام پر کار بے قابو ہوکر گہرے نالے میں جاگری۔
- مزید پڑھیں:۔ ڈوڈہ: سڑک حادثے میں آٹھ افراد ہلاک، ایک درجن زخمی
اس حادثہ میں موقع پر ہی ڈرائیور کی موت ہوگئی، حادثہ کی خبر ملتے مقامی رضاکار اور پولیس نے بچاؤ مہم شروع کرکے بڑی مشقت کے بعد لاش باہر نکالی اور مقامی ہسپتال میں منتقل کیا جہاں ان کی شناخت عقیل احمد ولد محمد سعید ساکن خوجہ باگ بارہمولہ سرینگر کے طور پر ہوئی ہے۔ یہ حادثہ آج صبح 5 بجے پیش آیا۔ کارروائی کے بعد لاش کو وارثین کے حوالے کردیا گیا ہے۔
اس ضمن میں پولیس تھانہ رامسو نے معاملہ درج کرکے تحقیقات شروع کردی گئی۔
