کیرالہ میں پی ایف آئی کے خلاف کارروائی:۔
ملاپورم : این آئی اے اور ای ڈی نے ٹرر فنڈنگ اور کیمپ چلانے کے معاملہ میں ملک بھر میں پی ایف آئی کے ٹھکانوں پر چھاپے مارے ہیں۔ این آئی اے اور ای ڈی نے دیر رات گئے چھاپہ مارے ہیں۔ معلومات کے مطابق کیرالہ کے ملاپورم ضلع کے منجیری میں پی ایف آئی صدر او ایم اے سلام کے گھر پر چھاپہ مارا گیا۔ اس دوران پی ایف آئی کارکنوں نے احتجاج کیا۔nia raids on pfi locations across the country واضح رہے کہ جمعرات کو قومی تحقیقاتی ایجنسی (این آئی اے)، انفورسمنٹ ڈائریکٹوریٹ (ای ڈی) اور ریاستی پولیس فورسز کی ایک مشترکہ ٹیم نے ملک کی 10 ریاستوں میں چھاپے مارے، اس دوران پاپولر فرنٹ آف انڈیا (پی ایف آئی) کے 100 سے زیادہ رہنماوں کو گرفتار کیا ہے۔
-
Kerala | NIA & ED conducting raids at the house of OMA Salam, PFI chairman in Manjeri, Malappuram district, PFI workers stage protest pic.twitter.com/9bXewpGJo6
— ANI (@ANI) September 22, 2022 " class="align-text-top noRightClick twitterSection" data="
">Kerala | NIA & ED conducting raids at the house of OMA Salam, PFI chairman in Manjeri, Malappuram district, PFI workers stage protest pic.twitter.com/9bXewpGJo6
— ANI (@ANI) September 22, 2022Kerala | NIA & ED conducting raids at the house of OMA Salam, PFI chairman in Manjeri, Malappuram district, PFI workers stage protest pic.twitter.com/9bXewpGJo6
— ANI (@ANI) September 22, 2022
ذرائع نے اے این آئی کو بتایا کہ "10 ریاستوں میں ایک بڑی کارروائی کے دروان این آئی اے، ای ڈی اور ریاستی پولیس نے پی ایف آئی کے 100 سے زیادہ رہنماوں کو گرفتار کیا ہے۔"ذرائع نے بتایا کہ یہ چھاپے تلنگانہ، کیرالہ، آندھرا پردیش، اتر پردیش اور کئی دیگر ریاستوں میں مارے گئے ۔این آئی اے نے رواں ماہ کے شروع میں بھی پی ایف آئی کیس میں تلنگانہ، آندھرا پردیش میں 40 مقامات پر چھاپے مارے اور چار افراد کو حراست میں لیا تھا۔ اس کے بعد ایجنسی نے تلنگانہ میں 38 مقامات (نظام آباد میں 23، حیدرآباد میں چار، جگتیال میں سات، نرمل میں دو، عادل آباد اور کریم نگر اضلاع میں ایک ایک) اور آندھرا پردیش کے دو مقامات (کرنول اور نیلور میں ایک ایک جگہ) پر تلاشی لی۔
مزید پڑھیں:۔ PFI Members Arrests پی ایف آئی کے چار اراکین گرفتار
راجستھان میں پی ایف آئی کے خلاف کارروائی:۔
وہیں ریاست راجستھان کے دارالحکومت جے پور کے کئی اضلاع میں این آئی اے کی جانب سے پی ایف آئ کے دفاتر پر کارروائی کی گئی۔ یہ کارروائی آج صبح تین بجے شروع ہوئی، جو نو بجے تک جاری رہی، اس دوران جے پور کے موتی ڈونگری روڑ علاقے میں واقع پی ایف آئی کے ریاستی دفتر کے باہر کثیر تعداد میں پولیس کو تعینات کیا گیا اور پورے علاقے کو سیل کر دیا گیا۔ وہیں کوٹہ علاقے سے چند لوگوں کو حراست میں لینے کی اطلاعات موصول ہوئی ہیں۔ اس موقع پر پاپولر فرنٹ آف انڈیا کی ضلع صدر عمران خان نے میڈیا کو معلومات دیتے ہوئے بتایا کہ اس پوری کاروائی کے خلاف آج صبح گیارہ بجے پاپولر فرنٹ آف انڈیا کی جانب سے احتجاجی مظاہرہ کیا جائے گا۔
کرناٹک میں پی ایف آئی کے خلاف کارروائی:۔
ریاست کرناٹک کے ضلع منگلورو میں این آئی اے نے پی ایف آئی اور ایس ڈی پی آئی کے ضلعی دفاتر پر چھاپہ مارا ہے۔ ذرائع نے بتایا کہ شہر کے 8 حصوں میں ان تنظیموں کے رہنماؤں کے گھروں کی تلاشی لی جا رہی ہے، جس میں منگلورو کے نیلیکائی روڈ پر واقع دفاتر بھی شامل ہیں۔ سی آر پی ایف کے افسران نیلیکائی روڈ کے دونوں اطراف تعینات ہیں جہاں پی ایف آئی اور ایس ڈی پی آئی کے دفاتر واقع ہیں۔ این آئی اے کے اہلکار دفتر کے اندر مسلسل چیکنگ کر رہے ہیں۔ اس دوران پی ایف آئی کے کارکن این آئی اے کے افسران کے خلاف گو بیک کا نعرہ لگا رہے ہیں ۔ منگلورو پولیس نے مظاہرین کو حراست میں لے لیا۔
مزید پڑھیں:۔ Darbhanga PFI Unit Protest: پی ایف آئی کارکنان کی گرفتاری کے خلاف دربھنگہ میں احتجاج
این آئی اے کی جانب سے پی ایف آئی اور ایس ڈی پی آئی کے بنگلورو میں واقع دفاتر پر چھاپے مارے گئے اور مذکورہ تنظیموں کے رہنماوں کے گھروں پر بھی چھاپہ ماری کی کارروائی جارہی ہے اور ان میں سے کچھ کو حراست میں لے لیا گیا ہے۔ این آئی اے کے چھاپوں کی اطلاع ملتے ہی تنظیم کے کارکنان پی ایف آئی اور ایس ڈی پی آئی قائدین کی رہائش گاہوں کے باہر جمع ہوگئے اور اپنے غم و غصے کا اظہار کرتے ہوئے این آئی اے کے خلاف نعرے بازی کی۔ سی آر پی ایف کے جوانوں کے ساتھ ساتھ قریبی علاقوں میں سیکورٹی سخت کر دی گئی ہے اور اطراف کی سڑکوں کو عوام کے استعمال کے لیے بند کر دیا ۔
مدھیہ پردیش میں پی ایف آئی کے خلاف کارروائی:۔
ریاست مدھیہ پردیش کے صنعتی شہر اندور اور اجین ضلع میں واقع پاپولر فرنٹ آف انڈیا کے دفتر پر این آئی اے نے چھاپا مارا۔ قومی تحقیقی ایجنسی( این آئی اے )نے اندور کے پاپولر فرنٹ آف انڈیا ( پی ایف آئی ) کے ٹھکانوں پر چھاپہ مارا۔ بتایا جا رہا ہے کہ این آئی اے نے پی ایف آئی کے تین رہنماؤں کو گرفتار کیا ہے۔ یہ کارروائی اندور اور اجین میں ایک ساتھ کی گئی ہے۔ واضح رہے کہ جمعرات کی رات این آئی اے، آئی ڈی اور ریاستی پولیس فورسز کی مشترکہ ٹیم نے ایک ساتھ ملک کی دس ریاستوں میں بڑی کاروائی کی ہے۔ اس دوران پاپولر فرنٹ آف انڈیا کے متعدد رہنما کو گرفتار کرنے کی بھی اطلاع ہے۔
مہاراشٹر میں پی ایف آئی کے خلاف کارروائی:۔
ریاست مہاراشٹر کے ضلع اورنگ آباد اور مالیگاؤں میں تفتیشی ایجنسیوں نے پی ایف آئی کے دفاتر پر چھاپہ مارا۔ اس دوران این آئی اے نے مالیگاؤں پی ایف آئی کے صدر کو گرفتار کرلیا جبکہ اورنگ آباد میں پی ایف آئی ممبران کے گھر پر بھی چھاپہ مارا گیا اور کچھ لوگوں کو حراست میں لیا گیا۔بتایا جا رہا ہے کہ این آئی اے اور اے ٹی ایس نے مل کر یہ کارروائی کی ہے فی الحال پی ایف آئی کا اورنگ آباد ہیڈ آفس بند ہے۔ مہاراشٹر میں پی ایف آئی کے 20 اراکین کو حراست میں لیا گیا۔ اورنگ آباد اے ٹی ایس نے پی ایف آئی کے پانچ اراکین کو اورنگ آباد سے اور پانچ اراکین کو ناندیڑ سے حراست میں لیا جبکہ دس اراکین کو الگ الگ علاقوں سے حراست میں لیا۔
بہار میں پی ایف آئی کے خلاف کارروائی:۔
ریاست بہار کے ضلع پورنیہ میں واقع پی ایف آئی کے علاقائی دفتر پر این آئی اے نے چھاپہ مارنے کی کارروائی شروع کی ہے۔ یہ چھاپہ صبح 3 بجے سے کیا جا رہا ہے۔ چھاپے کے حوالے سے سخت حفاظتی انتظامات کیے گئے ہیں، جہاں تمام مرکزی فورسز کو تعینات کیا گیا ہے۔ بتایا جاتا ہے کہ این آئی اے کے ایس پی خود چھاپے مار رہے ہیں۔
