کیپٹن زویا اگروال ایک کمرشل پائلٹ اور ایئر انڈیا کی کمانڈر ہیں، ساتھ ہی ایک ٹی ای ڈی ایکس TEDx اسپیکر بھی ہیں، بھارت میں نوجوان خواتین اور لڑکیوں کے لیے ایک تحریک ہیں۔ وہ 2013 میں بوئنگ 777 اڑانے والی سب سے کم عمر خاتون پائلٹ بن گئیں اور انہیں 11 سال کے اڑان بھرنے کا تجربہ بھی ہے۔ جنوری 2021 میں انہوں نے ایئر انڈیا کی سن فرانسسکو سے بنگلورو کے لیے سب سے طویل نان اسٹاپ کمرشل فلائٹ اڑانے کے لیے پائلٹوں کی تمام خواتین ٹیم کو کمانڈ کرکے ایک مثال قائم کی۔ Captain Zoya Agarwal is a Commercial Pilot and Commander of Air India
عالمی یوم خواتین کے موقع پر ای ٹی وی بھارت سے بات کرتے ہوئے کیپٹن زویا اگروال نے کہا کہ جب وہ 2013 میں کپتان بنیں تو ان کی والدہ رو پڑیں، لیکن وہ خوشی کے آنسو تھے۔ آپ نے دیکھا کہ میں ایک ایسی جگہ سے آئی ہوں جہاں مجھے ایسے خواب دیکھنے کی بھی اجازت نہیں تھی اور میں نے اپنی اندرونی آواز پر بھروسہ کیا جس نے مجھے ہر وقت رہنمائی کی اور مجھے حوصلہ دیا کہ کچھ بھی ناممکن نہیں ہے۔
زویا نے کہا کہ ہر عورت کو خواب دیکھنا چاہیے اور اپنے مقاصد کو پورا کرنے کے لیے خود پر یقین رکھنا چاہیے، چاہے اسے مشکلات کا سامنا کیوں نہ کرنا پڑے۔ زویا نے کہاکہ "سخت محنت کریں، اپنے مقصد پر توجہ مرکوز اور مقاصد کے حصول میں ایک لگن ہو، اپنا 100 فیصد دیں، لیکن کبھی ہمت نہ ہاریں"۔
مزید پڑھیں:۔ Women's Day: عالمی یومِ خواتین کا مقصد کیا ہے؟
انہوں نے مزید کہا کہ "میں بہت خوش قسمت ہوں اور یو این ویمن جیسے پلیٹ فارم پر اپنے ملک اور ایئر انڈیا کی نمائندگی کرنا میرے لیے بڑے فخر کی بات ہے۔ میں اپنے ملک کا نام دنیا بھر میں روشن کرنے پر بہت فخر محسوس کرتی ہوں اور بھارتی حکومت کی شکر گزار ہوں۔ انہوں نے کہا کہ "ہمارے ملک میں لڑکیوں کو بااختیار بنائیں، انہیں خواب دیکھنے دیں۔ انہیں وہ کرنے دیں جو وہ چاہتی ہیں۔
