نئی دہلی: دہلی میں میونسپل کارپوریشن انتخابات کے لئے تشہیری مہم جاری ہے۔ شاہین باغ کے وارڈ نمبر 188 کی کانگریس امیدوار اور سابق رکن اسمبلی آصف محمد خان کی صاحبزادی اریبا خان بھی تشہیری مہم میں مصروف ہیں اور لوگوں کی حمایت حاصل کرنے کی کوشش کر رہی ہیں۔ وہیں انتخابی مہم کے دوران دہلی پولیس نے امیدوار اریبا خان کے والد آصف محمد خان کو گرفتار کر جیل میں قید کر دیا، جس کا کانگریس امیدوار کی تشہیری میں مہم پر بھی اثر پڑا ہے لیکن اریبا خان نے ای ٹی وی بھارت سے بات کرتے ہوئے کہا کہ والد کے جیل جانے پر ایم سی ڈی الیکشن پر کوئی فرق نہیں پڑے گا۔ Congress candidate Ariba Khan campaign in shaheen bag
انتخابی مہم کے تحت ایف بلاک شاہیں باغ میں ایک استقبالیہ تقریب میں شرکت کے بعد اریبا خان نے ای ٹی وی بھارت کے سوالوں کے جواب کے دوران کہا کہ ان کے والد بھلے ہی جیل چلے گئے ہیں لیکن ان کے حلقے میں کئی بزرگ ایسے ہیں جو والد کی طرح حمایت کر رہے ہیں اور کئی نوجوان ایسے ہیں جو بھائی کا کردار ادا کر رہے ہیں، اسی لئے والد کے جیل جانے سے انتخابات پر کوئی اثر نہیں پڑے گا۔ انہوں نے کہا کہ اس علاقے کے عام آدمی پارٹی کے وارڈ کونسلر نے ووٹ خریدنے کی کوشش کی جس پر مقامی لوگوں کے کہنے پر میرے والد نے آواز اٹھائی، جس پر انہیں جیل جانا پڑا۔ انہوں نے کہا کہ نا انصافی کے خلاف وہ آواز بلند کرتے رہیں گے۔ انہوں مزید نے کہا کہ اگر وہ کامیاب ہوتی ہیں تو سب سے پہلے یہاں سے ڈمپنگ یارڈ کو ہٹانے کا کام کریں گی اور علاقے کو صاف ستھرا بنانے پر توجہ مرکوز کریں گی۔
مزید پڑھیں:۔ Delhi MCD Election 2022 عام آدمی پارٹی نے مسلمانوں کو بدنام کیا ہے، اریبا خان
واضح رہے کہ اریبا خان کے والد آصف محمد خان کو دہلی پولیس نے ہفتہ کو ساکیت عدالت میں پیش کیا تھا۔ کیس کی سماعت کے بعد عدالت نے آصف خان کو 14 روزہ جوڈیشل ریمانڈ پر جیل بھیج دیا تھا، پیر کو ساکیت کورٹ نے سماعت کی اور فیصلہ محفوظ کرلیا لیکن منگل کو ساکیت کورٹ نے عرضی کو خارج کردی۔
