کوچی: کیرالہ کے کوچی بین الاقوامی ہوائی اڈے (سی آئی اے ایل) پر اتوار کو کوسٹ گارڈ کا ایک ہیلی کاپٹر گر کر تباہ ہوگیا۔ ذرائع نے بتایا کہ حادثہ ٹریننگ سیشن کے دوران ٹیک آف کے دوران دوپہر 12.25 پر پیش آیا، جس کی وجہ سے ہوائی اڈے کا آپریشن دو گھنٹے تک معطل رہا۔ہیلی کاپٹر پر سوار تین افراد، جنہیں معمولی چوٹیں آئی ہیں، کو انگمالی کے ایک نجی اسپتال میں داخل کرایا گیا ہے۔دریں اثنا، کوسٹ گارڈ اے ایل ایچ کو دوپہر 2 بجے کے قریب آپریشنل علاقے میں حفاظتی معائنہ کے بعد رن وے کو آپریشن کے لیے کلیئر کر دیا گیا۔ دریں اثنا، مسقط سے عمان ایئر کی پرواز کو ترواننتا پورم بین الاقوامی ہوائی اڈے کی طرف موڑ دیا گیا ہے۔ ذرائع نے بتایا کہ یہ جلد ہی ترواننتا پورم سے واپس آئے گا۔
ہندوستانی بحریہ نے ایک بیان میں کہا ہے کہ ہیلی کاپٹر ساحل کے قریب گر کر تباہ ہوگیا۔ حادثے کے بعد فوری طور پر سرچ اینڈ ریسکیو آپریشن شروع کر دیا گیا۔ بحریہ کے گشتی جہاز کے ذریعے عملے کو بحفاظت نکال لیا گیا۔ واقعے کی تحقیقات کا حکم بھی دے دیا گیا۔ دراصل 'ہندوستانی کوسٹ گارڈ کے اے ایل ایچ دھرو مارک III ہیلی کاپٹر کی فورس لینڈنگ کا واقعہ آج کوچی میں پیش آیا، جب فورس کا پائلٹ ہیلی کاپٹر کا ٹرائل رن کر رہا تھا۔ ہیلی کاپٹر تقریباً 25 فٹ کی بلندی پر تھا۔ اسے جبراً لینڈنگ کرنی پڑی تھی۔'
یہ بھی پڑھیں: Army Helicopter Crash اروناچل پردیش میں آرمی ہیلی کاپٹر گر کر تباہ
یو این آئی
