JK SI Recruitment scam سی بی آئی نے جموں و کشمیر سمیت دیگر ریاستوں میں چھاپہ مارا

سی بی آئی نے جموں و کشمیر کے ایس آئی بھرتی بدعنوانی معاملہ میں ملک کی متعدد ریاستوں میں چھاپہ مارا۔ سی بی آئی نے جموں، سری نگر، ہریانہ کے کرنال، مہندر گڑھ، ریواڑی، گجرات میں گاندھی نگر، دہلی، اتر پردیش کے غازی آباد اور کرناٹک کے بنگلور میں تلاشی لی۔ CBI Conducting Searches at 33 Places

نئی دہلی: مرکز کے زیرانتظام علاقہ جموں و کشمیر کے ایس آئی بھرتی بدعنوانی معاملہ میں سی بی آئی نے 33 مقامات پر چھاپے ماری کی ہے۔ افسران نے اس کی جانکاری دی ہے۔ انہوں نے بتایا کہ جموں و کشمیر سروسز سلیکشن بورڈ (جے کے ایس ایس بی) کے کنٹرولر امتحانات اشوک کمار کے احاطے کی بھی تلاشی لی جا رہی ہے۔ جموں، سری نگر، ہریانہ کے کرنال، مہندر گڑھ، ریواڑی، گجرات میں گاندھی نگر، دہلی، اتر پردیش کے غازی آباد اور کرناٹک کے بنگلور میں تلاشی مہم جاری ہے۔CBI Conducting Searches at 33 Places

انہوں نے کہا کہ مبینہ بے ضابطگیوں کی جانچ کے سلسلے میں سی بی آئی کے ذریعہ تلاشی کا یہ دوسرا دور ہے۔ مرکزی تفتیشی بیورو (سی بی آئی) نے جموں و کشمیر انتظامیہ کی درخواست پر 33 ملزمان کے خلاف مقدمہ درج کیا ہے۔ سی بی آئی ذرائع نے کہا کہ سی بی آئی نے منگل کی صبح جموں و کشمیر سروس سلیکشن بورڈ (جے کے ایس ایس بی) کے سابق چیئر مین خالد جہانگیر اور جے کے ایس ایس بی کے امتحانات کے کنٹرولر اشوک کمار اور ایک ڈی ایس پی سمیت جموں وکشمیر پولیس کے کچھ افسروں اور سی آر پی ایف کے کچھ افسروں کی رہائش گاہوں پر تلاشی کارروائیاں انجام دیں۔

انہوں نے بتایا کہ جموں اور سری نگر کے علاوہ کرنال، مہندر گڑھ، گجرات کے گاندھی نگر، دہلی، اتر پردیش کے غازی آباد اور کرناٹک کے بنگلورو میں بھی تلاشی کارروائیاں انجام دی گئیں۔ بتادیں کہ پولیس سب انسپکٹر کی اسامیوں کے لئے سال رواں کے27 مارچ کو امتحانات منعقد ہوئے تھے جبکہ ان کے نتائج کا اعلان4 جون کو کیا گیا تھا۔ کامیاب امیدواروں کی فہرست جاری ہوتے ہی ان امتحانات میں بے ضابطگیوں کے الزامات سامنے آئے تھے جس کے پیش نظر حکومت نے تحقیقات کے لئے ایک کمیٹی تشکیل دی تھی۔