چین کی اس وحشیانہ کاروائی کے خلاف ملک کی عوام میں اس قدر ناراضگی ہے کہ وہ حکومت سے منہ توڑ جواب دینے کا مطالبہ بھی کر رہے ہیں۔
سڑک سے لیکر سوشل میڈیا تک چین کی اس حرکت کے خلاف عوام میں شدید اشتعال اور غم و غصہ دیکھنے کو مل رہا ہے۔
ملک کی مختلف سیاسی و سماجی تنظیموں کی جانب سے چین کے خلاف احتجاجی مظاہرے کیے جا رہے ہیں اور چین کے خلاف سخت کاروائی کا نہ صرف مطالبہ کیا جارہا ہے بلکہ چین کا قومی پرچم بھی علامتی طور پر سڑکوں پر جلائے جا رہے ہیں۔
احتجاجی مظاہرے کے دوران بہت سے مقامات پر چینی صدر کے پوسٹرز کو جلا کر ان کے خلاف نعرے بازی کی جا رہی ہے۔
ملک کے مختلف حصوں میں ہلاک ہوئے جواںوں کو خراج عقیدت پیش کرنے کے لیے کینڈل مارچ نکالا جا رہا ہے اور ان جوانوں کو خراج تحسین پیش کیا جا رہا ہے۔
ملک کی عوام سے لوگ چینی مصنوعات کا بائیکاٹ کرنے کی اپیل کر رہے ہیں، احتجاج کے دوران لوگ چینی اشیاء کو جلاکر اپنے غصے کا اظہار کر رہے ہیں۔
ہلاک ہوئے جواںوں کی جسد خاکی کو حکومت ان کے آبائی وطن بھی بھیج رہی ہے جہاں عوام کا جم غفیر اپنے شہداء کو آخری سلام اور نم آنکھوں سے الوداع کہہ رہے ہیں۔
