اقوام متحدہ کی جنرل اسمبلی کے اجلاس میں پاکستانی وزیراعظم عمران خان نے جیسے ہی اپنی تقریر شروع کی، اسی دوران بھارتی مندوب نے واک آؤٹ کیا۔ اقوام متحدہ میں بھارت کے مستقل نمائندے ٹی ایس تیرمورتی نے کہا کہ 'عمران خان کی تقریر صریح جھوٹ، نامناسب اور بے بنیاد ہے'۔
بھارتی مندوب نے کہا کہ پاکستان کے وزیراعظم عمران خان نے اپنی تقریر میں بھارت کے اندرونی معاملات پر تبصرے کیا ہے۔
اقوام متحدہ میں بھارت کے مستقل نمائندے ٹی ایس تیرمورتی نے کہا کہ 'خان کا بیان ایک نیا سفارتی خامی ہے'۔
انہوں نے کہا کہ 'عمران خان کی تقریر صریح جھوٹ، نامناسب اور بے بنیاد ہے'۔
ٹی ایس تیرمورتی نے اشارتا کہا ہے کہ 'پاکستان کو کسی بھی ملک کے اندرونی معاملات میں مداخلات کرنے کے بجائے اپنی اقلیتوں کی فلاح پر زور دینا ہوگا'۔
انھوں نے کہا کہ بھارت عمران خان کے اس نا موزوں باتوں کا مناسب جواب دے گا۔
واضح رہے کہ پاکستانی وزیر اعظم عمران خان نے اقوام متحدہ کی جنرل اسمبلی کے 75ویں اجلاس میں آن لائن خطاب میں انڈیا پر تنقید کرتے ہوئے کہا ہے کہ آر ایس ایس کے انتہا پسند نظریے کی تشکیل 1920 کی دہائی میں کی گئی اور اس نظریے کا نشانہ مسلمان اور کسی حد تک مسیحی ہیں۔
انھوں نے کہا کہ جنرل اسمبلی اسلاموفوبیا سے نمٹنے کے لیے رائے شماری کرائے اور اس کے خلاف ایک عالمی دن مقرر کرے۔
تیرمورتی نے ایک ٹویٹ میں کہا ہے کہ 'وزیر اعظم پاکستان نے اقوام متحدہ کی 75 ویں جنرل اسمبلی میں عالمی قوانین کی حلاف ورزی کرتے ہوئے طنز کیا ہے'۔
