ریاست بہار کے ضلع دربھنگہ کے بہادرپور تھانہ حلقے کے گنج چوک پر ایک ذہنی طور پر معذور خاتون کو بچہ چور سمجھ کر مقامی لوگوں نے کھمبے سے باندھ کر پٹائی کی۔
اطلاع ملنے پر مقامی پولیس نے معذور خاتون کو ہجوم سے بچا کر لے گئی- وہیں اس واقعے کے تعلق سے ایک بچے کے والد شنکر مہتو نے بتایا کہ' یہ خاتون میرے بچے کو زبردستی لے جا رہی تھی اور بچے کو دھتورا کھلانے کی کوشش کر رہی تھی۔
موقع پر دیگر بچوں نے بتایا کہ معذور خاتون کو باندھ کر رکھا گیا ہے مزید علاقے کے لوگوں نے انہیں کافی پیٹا بھی ہے۔
اس تعلق سے بہادر پور تھانہ کے سب انسپکٹر اے کے سنگھ نے کہا کہ' بچہ چوری کے الزام میں مقامی لوگوں نے اس خاتون کو پکڑ کر مارا پیٹا ہے لیکن خاتون دیکھنے سے ذہنی طور پر معذور لگتی ہیں۔
مزید پڑھیں:آشوب چشم، آنکھ میں ہونے والی سوزش بھی کورونا وائرس کی علامت: نئی تحقیق
وہیں کچھ لوگوں نےمزید خاتون کے تعلق سے بتا یا کہ' یہ اسٹیشن پر بھیک مانگ مانگتی ہیں اور وہیں رہتی بھی ہیں۔
