Army Personnel Bus Fell into Gorge بس کھائی میں گرنے سے سولہ بھارتی فوجی اہلکاروں کی موت

سکم میں فوجی اہلکاروں کو لے کر جارہی بس کھائی میں گر گئی جس میں 16 جوانوں کے ہلاک ہونے کی اطلاع ہے۔ Army Bus Met an Accident

سکم میں ایک بڑا سڑک حادثہ پیش آیا ہے۔ یہاں جمعہ کو ایک بس گہری کھائی میں گرنے سے 16 فوجی اہلکار ہلاک ہو گئے۔ موقع پر راحت اور بچاؤ کا کام شروع کر دیا گیا ہے۔ یہ حادثہ شمالی سکم کے لاچین سے 15 کلومیٹر دور جیما کے علاقے میں پیش آیا۔ Several Army Personnel Died in ab Accident

• 16 Army personnel have lost their lives, four injured in a road accident involving an Army truck at Zema, North Sikkim. The accident happened when the vehicle skidded down a steep slope while negotiating a sharp turn: Indian Army pic.twitter.com/qkulDm99Gp

  — ANI (@ANI) December 23, 2022 " class="align-text-top noRightClick twitterSection" data="

  16 Army personnel have lost their lives, four injured in a road accident involving an Army truck at Zema, North Sikkim. The accident happened when the vehicle skidded down a steep slope while negotiating a sharp turn: Indian Army pic.twitter.com/qkulDm99Gp

  — ANI (@ANI) December 23, 2022

  ">

  16 Army personnel have lost their lives, four injured in a road accident involving an Army truck at Zema, North Sikkim. The accident happened when the vehicle skidded down a steep slope while negotiating a sharp turn: Indian Army pic.twitter.com/qkulDm99Gp

  — ANI (@ANI) December 23, 2022

معلومات کے مطابق صبح فوج کی تین گاڑیاں فوجیوں کو لے جا رہی تھیں۔ یہ قافلہ چٹن سے تھنگو کی طرف جا رہا تھا۔ جیما جاتے ہوئے موڑ پر کھڑی ڈھلوان کی وجہ سے گاڑی کا ڈرائیور اچانک کنٹرول کھو بیٹھا اور گاڑی نیچے کھائی میں جا گری۔ اطلاع ملتے ہی مقامی پولیس موقع پر پہنچ گئی اور ریسکیو آپریشن شروع کر دیا۔ بتایا جاتا ہے کہ 4 زخمی فوجیوں کو ہیلی کاپٹر کے ذریعے باہر نکالا گیا۔ جبکہ تین جونیئر کمیشنڈ افسران اور 13 سپاہی اس حادثے میں زخموں کی تاب نہ لاتے ہوئے دم توڑ گئے۔

بھارتی فوج نے حادثے پر بیان جاری کرتے ہوئے کہا ہے کہ وہ غم کی اس گھڑی میں سوگوار خاندانوں کے ساتھ کھڑی ہے۔ خاندانوں کی ہر ممکن مدد کی جائے گی۔ ایک فوجی اہلکار نے بتایا کہ شمالی سکم میں حادثے میں شامل فوجی گاڑی چٹن سے تھنگو کی طرف جانے والی تین گاڑیوں کے قافلے کا حصہ تھی۔ موقع پر ریسکیو کیا گیا ہے۔

صدر جمہوریہ دروپدی مرمو اور وزیر اعظم نریندر مودی نے حادثے پر افسوس کا اظہار کیا۔ صدر جمہوریہ نے کہا کہ 'ہندوستانی فوج کے بہادر جوانوں کی شہادت کے بارے میں جان کر دکھ ہوا۔ مرنے والوں کے اہل خانہ سے میری دلی تعزیت ہے۔ میں زخمیوں کی جلد صحت یابی کے لیے دعا گو ہوں۔ پی ایم مودی نے کہا کہ وہ سکم میں سڑک حادثے میں ہمارے بہادر سپاہیوں کی شہادت سے دکھی ہیں۔ سوگوار خاندانوں سے تعزیت۔ زخمی جلد صحت یاب ہو جائیں۔

وزیر دفاع راج ناتھ سنگھ نے بھی ٹویٹ کرکے غم کا اظہار کیا ہے۔ انہوں نے کہا کہ شمالی سکم میں ایک سڑک حادثے میں بھارتی فوج کے جوانوں کی جانوں کے ضیاع پر گہرا دکھ ہوا ہے۔ ان کی خدمات اور عزم پر قوم ان کی تہہ دل سے مشکور ہے۔ سوگوار خاندانوں سے میری تعزیت۔ زخمیوں کی جلد صحت یابی کی دعا۔

وزیر داخلہ امت شاہ نے ٹویٹ کیا کہ 'سکم میں اس المناک سڑک حادثے کے بارے میں جان کر دکھ ہوا جس میں ہمارے بہادر فوجی جوانوں کی جانیں گئیں۔ میں سوگوار خاندانوں سے دلی تعزیت کا اظہار کرتا ہوں۔ زخمیوں کو ہر ممکن مدد فراہم کی گئی ہے، وہ جلد صحت یاب ہو جائیں۔

سماج وادی پارٹی نے بھی حادثے پر غم کا اظہار کیا ہے۔ ایس پی نے ٹویٹ کیا کہ شمالی سکم میں آرمی ٹرک حادثے میں 16 فوجیوں کے شہید اور 4 فوجیوں کے زخمی ہونے کی خبر، انتہائی افسوسناک۔ خدا زخمیوں کو جلد صحتیاب کرے۔ سوگوار خاندانوں سے دلی تعزیت، حکومت راحت اور بچاؤ کے کام کو تیز کرے۔