حیدرآباد کے شمس آباد ایئرپورٹ پر ایک کروڑ روپیے مالیت کا سونا ضبط

حیدرآباد: شمس آباد ایئرپورٹ پر ایک کروڑ روپیے کا سونا ضبط کیا گیا۔ ڈی آر آئی حکام نے یہ جانکاری دی۔ DRI حکام کے مطابق ایئرپورٹ پر ایک شخص جوتوں میں سونا لے کر پہنچا۔ انہوں نے کہا، "دبئی سے حیدرآباد آنے والے ایک مسافر کی حرکات مشکوک ہونے کے بعد تلاشی لی گئی۔ ملزم کے جوتے اور بیگ کی جانچ پڑتال کی گئی۔ اس کے دو جوتوں اور بیگ سے ایک کروڑ روپے مالیت کا 1,390 گرام سونا ضبط کیا گیا۔" ملزم کو حراست میں لینے کے ساتھ ہی اس کے خلاف مقدمہ بھی درج کرلیا گیا ہے۔