شاہجہاں پور میں جلوس عید میلاد کے دوران ڈی جے کو کرنٹ لگ گیا، ایک ہلاک، تین زخمی

شاہجہاں پور: بانڈہ تھانہ علاقہ کے کنور پور رتی گاؤں میں بارہ وفات جلوس کے دوران حادثہ پیش آیا۔ یہاں ڈی جے میں بجلی کا جھٹکا لگنے سے ایک شخص کی موت ہوگئی۔ جبکہ 3 افراد جھلس گئے۔ بتایا جارہا ہے کہ یہ جلوس بندہ نگر پنچایت کے مراد پور سے خانقاہ جارہا تھا۔ اسی دوران کنور پور رتی گاؤں میں ڈی جے لے جانے والی گاڑی بجلی کے لٹکے تار سے چھو گئی۔ جس کے باعث نذیر نامی 45 سالہ شخص جاں بحق ہوگیا۔ ایس پی راجیش ایس کا کہنا ہے کہ معاملے کی جانچ کی جارہی ہے۔