مائیکرو سافٹ کے ونڈوز ورک اسٹیشنز میں ہونے والی ایک خامی کے نتیجے میں دنیا کے متعدد ممالک میں بینکوں، فضائی کمپنیوں، ٹیلی کمیونیکیشن کمپنیوں، ٹیلی ویژن (ٹی وی) و ریڈیو نشریات اور سپر مارکیٹس کے کمپیوٹر سسٹمز آف لائن ہوگئے۔ اس کے اثر سے دنیا کے متعدد ممالک میں بڑے پیمانے پر انفارمیشن ٹیکنالوجی (آئی ٹی) سسٹم میں نقص کی وجہ سے کمپیوٹر سسٹمز آف لائن ہوگئے اور آن لائین نیٹ ورک کے ذیعہ کام کرنے والے تمام مائیکرو سافٹ سسٹمز میں خرابی پیدا ہوگئی جس کے باعث پینکس، ایئر لائنز، ایئرپورٹس، میڈیا آؤٹ لیٹس میں کام تقریباً بند ہوگیا۔
We're investigating an issue impacting users ability to access various Microsoft 365 apps and services. More info posted in the admin center under MO821132 and on https://t.co/W5Y8dAkjMk
— Microsoft 365 Status (@MSFT365Status) July 18, 2024
میڈیا رپورٹس کے مطابق ہندوستان سمیت امریکہ، برطانیہ، نیوزی لینڈ و دیگر متعدد ممالک میں ونڈوز ورک اسٹیشنز پر اسکرین آف ڈیتھ ایرر کی وجہ سے آف لائن ہوگئے۔ وہیں ایک بیان میں بتایا گیا ہے کہ ٹیکنالوجی مسئلے کے باعث کچھ فضائی کمپنیوں کا چیک ان کا طریقہ کار متاثر ہوا ہے جس کے بعد مسافروں کو چیک ان کرنے میں کچھ تاخیر ہو سکتی ہے۔ مائیکروسافٹ کے سرورز ڈاؤن ہونے کی وجہ سے یہ مسئلہ پیش آیا اور دنیا بھر میں استعمال ہونے والے ونڈوز لیپ ٹاپ نے کام کرنا بند کردیا۔ اچانک تکنیکی خرابی کی وجہ سے دنیا بھر میں ونڈوز یوزرس کو پریشانی کا سامنا کرنا پڑا۔
اس تکنیکی خرابی سے لندن اسٹاک ایکسچینج کے علاوہ برطانیہ میں ٹرین سروس بھی متاثر ہوئی۔ برطانیہ کے ایڈنبرا ایئر پورٹ پر بھی خدمات متاثر رہیں۔ اس کے علاوہ اسپینش ایئر پورٹس، ترکش ایئر لائن، آسٹریلین میڈیا کے علاوہ دنیا بھر میں بینکنگ آپریشنز متاثر ہوئے۔ آسٹریلیا کے سڈنی ایئرپورٹ پر بھی ایئر لائن آپریشنز پر اثر پڑا، سڈنی ایئرپورٹ پر شام تک پروازوں کی آمد و رفت میں تاخیر ہوسکتی ہے۔ دوسری جانب برلن ایئرپورٹ پر ایئر ٹریفک کو عارضی طور پر معطل کردیا گیا تھا۔ نیدرلینڈز میں بھی ایئر پورٹ آپریشنز متاثر ہوئے۔
اسی طرح ہندوستان میں بھی اس کا اثر بڑے پیمانہ پر دیکھا گیا۔ دارالحکومت نئی دہلی اور ممبئی ایئر پورٹ پر بھی پروازوں کی آمد و رفت متاثر ہوئی۔
