گجرات میں نوجوان کے ساتھ مارپیٹ، گاڑی کے بونٹ سے باندھ کر گھمایا گیا - Youth Tied to Car Bonnet and Driven

ریاست گجرات کے گودھرا میں چونکا دینے والا واقعہ پیش آیا جس میں ایک نوجوان کے ساتھ مار پیٹ اور اس کو کار کے بونٹ سے باندھ کر گھمایا گیا جس کا ویڈیو سوشل میڈیا وائرل ہورہا ہے۔ اس معاملے میں تین افراد کے خلاف مقدمہ درج کیا گیا۔

نئی دہلی: گودھرا کے کنکو تھمبھلا علاقے میں ایک نوجوان کو مار پیٹ اور پھر کار کے بونٹ سے باندھ کر ادھر ادھر گھمائے جانے کا ایک چونکا دینے والا ویڈیو کلپ سوشل میڈیا پر وائرل ہونے کے بعد پولس نے کارروائی کی ہے۔ اور تین افراد کے خلاف مقدمہ درج کیا گیا۔ واقعے کے بعد حملہ کرنے والے دونوں ملزمان اور گاڑی سے باندھے گئے نوجوان کے خلاف مقدمات درج کر لیے گئے ہیں۔

Gujarat: In Kankuthambla, Godhra, a video of a young man being tied to a car went viral. The man was caught attempting to steal from a pesticides and fertilizer shop. The shopkeeper and his associate tied him to the car's bonnet with a rope and assaulted him.

A complaint has… pic.twitter.com/fGsvrfy4nl

— IANS (@ians_india) August 31, 2024

ایک ویڈیو سوشل میڈیا پر بڑے پیمانے پر وائرل ہورہا ہے جس میں ایک نوجوان کے ساتھ مار پیٹ کے بعد اس کو کار کے بونٹ سے باندھ کر گھمایا گیا یہ نوجوان ایک مقامی دکان سے کیڑے مار دوا اور کھانا چوری کرنے کی کوشش کرتے ہوئے مبینہ طور پر پکڑا گیا تھا۔ چوری کی کوشش سے مشتعل ہو کر دکاندار نے اپنے ساتھیوں کے ساتھ مل کر نوجوان کو گاڑی کے بونٹ سے باندھنے سے پہلے مارا پیٹا۔

راہگیروں نے اس واقعے کو فلمایا، اور یہ ویڈیو سوشل میڈیا پر وائرل ہوتے ہوئے بالآخر پولیس تک پہنچ گیا۔ گودھرا تعلقہ پولس نے معاملے کا نوٹس لیا ہے، اور ملوث تمام فریقین کے خلاف مقدمات درج کر لیے گئے ہیں۔

ڈپٹی سپرنٹنڈنٹ آف پولیس این وی پٹیل نے اس واقعے کی تصدیق کرتے ہوئے کہا ہے کہ "یہ واقعہ 29 اگست کو پیش آیا جب ایک نوجوان نے کنکو تھمبھالا علاقے میں ایک شاپنگ سینٹر سے چیزیں چرانے کی کوشش کی۔ نوجوان کے ساتھ مار پیٹ، کار کے بونٹ سے باندھ کر گھمانے کی اس ویڈیو کی بنیاد پر پولیس نے چوری کی کوشش کرنے والے نوجوان اور اسے بونٹ سے باندھ کر مار پیٹ کرنے والے دو افراد کے خلاف مقدمہ درج کیا ہے۔ پولیس واقعے کی تحقیقات کر رہی ہے، نتائج کی بنیاد پر مزید کارروائی کا تعین کیا جائے گا۔

اس واقعے کے بعد معاشرے میں چھوٹے جرائم کے مناسب طریقے سے نمٹنے پر بحث چھیڑ دی ہے کیونکہ ملک کے مختلف علاقوں میں زیادہ سے زیادہ ایسے واقعات سامنے آرہے ہیں جہاں لوگوں نے قانون کو اپنے ہاتھ میں لینے اور مجرموں کو پولیس کو حوالے کرنے کے بجائے ظالمانہ ہتھکنڈوں کا سہارا لے رہے ہیں۔ اور مختلف وجوہات کے باعث بے قصور افراد کو ہجومی تشدد کا نشانہ بنایا جارہا ہے۔

واضح رہے کہ کار کے بونٹ سے باندھ کر گھمانے کا واقعہ اس سے پہلے جموں وکشمیر میں پیش آیا تھا جس میں ایک آرمی اہلکار نے سنگ باری سے بچنے کے لیے ایک شخص کو کار کی بونٹ سے باندھ کر بطور ڈھال استعمال کیا تھا۔ دوسرا واقعہ یمن میں بھی پیش آیا تھا جس میں بھی سکیورٹی اہلکار نے ایک عام شہری کو کار کی بونٹ سے باندھ کر گھمایا تھا۔