علی پور دوار: مغربی بنگال کے ضلع علی پور دوار کے کلچینی بلاک کے چواپارہ چائے کے باغ میں ہفتہ کو آسمانی بجلی گرنے کا واقعہ پیش آیا۔ اس واقعے میں نو خواتین مزدور زخمی ہو گئیں۔ موصولہ اطلاع کے مطابق زخمیوں میں سے ایک حاملہ ہے۔ دو زخمیوں کو بعد میں علی پور دوار ضلع اسپتال منتقل کیا گیا۔ ان کی حالت تشویشناک ہے۔
واضح رہے کہ گزشتہ جمعرات کو مالدہ میں آسمانی بجلی گرنے سے 11 افراد ہلاک ہو گئے تھے۔ آج اس واقعہ کے بعد علی پور دوار ضلع کے کلچینی بلاک کے چواپارہ چائے کے باغ میں بجلی گرنے سے 9 مزدور زخمی ہوگئے۔
ذرائع کے مطابق محنت کش خاتون مزدور بارش میں چواپارہ چائے کے باغ میں کام کر رہے تھے۔ اسی وقت اچانک بجلی گری۔ اس واقعے میں زخمی ہونے والوں میں سے ایک حاملہ ہے۔وہ اور اس کا بچہ ٹھیک ہے۔ تاہم ڈاکٹروں نے کوئی خطرہ مول لیے بغیر انہیں خصوصی نگرانی میں رکھا ہے۔
زخمیوں میں سے دو کو علی پور دوار ڈسٹرکٹ اسپتال منتقل کیا گیا ہے کیونکہ ان کی حالت نازک ہے۔ چائے کارکنان کے زخمی ہونے کی اطلاع ملتے ہی مقامی ترنمول قیادت زخمیوں کو عیادت کے لیے اسپتال پہنچی۔ وہ کچھ زخمیوں سے بات بھی کی ۔
یہ بھی پڑھیں: مغربی بنگال: مالدہ میں آسمانی بجلی گرنے سے 12 افراد ہلاک
ترنمول قیادت نے مطالبہ کیا ہے کہ ریاستی حکومت زخمی چائے مزدوروں کے علاج کے تمام انتظامات کرے ۔ انتظامیہ اس بات کو یقینی بنائے گی کہ ہر کسی کو وہ سہولیات ملیں جو حکومت میں دستیاب ہیں۔
