بنگال میں کوئی انڈیا اتحاد نہیں ہے:ممتا بنرجی - Lok Sabha Election 2024

Mamata Banerjee Reaction وزیرا علیٰ ممتا بنرجی نے آج ایک بار پھر کانگریس اور سی پی آئی ایم کی سخت تنقید کرتے ہوئے کہا ہے کہ بنگال میں کانگریس اور سی پی آئی ایم انڈیا اتحاد نہیں ہے بلکہ یہ دونوں پارٹیاں اس وقت بی جے پی کی ایجنٹ ہیں۔

کولکاتا:مغربی بنگال کی وزیر اعلیٰ ممتا بنرجی نے یہ بھی دعویٰ کیا کہ بی جے پی کی جیت کی پیش گوئی کرنے والے تمام پری پول سروے جعلی ہیں۔ بی جے پی کو 200 سیٹیں بھی نہیں ملیں گی۔مغربی بنگال میں لوک سبھا انتخابات کے پہلے مرحلے کے آغاز کے ساتھ ہی جمعہ کو تین حلقوں میں پولنگ ہو رہی ہے، وزیر اعلیٰ ممتا بنرجی نے اپنے انڈیا بلاک اتحادیوں کانگریس اور سی پی آئی (ایم) پر حملہ کرتے ہوئے کہا کہ وہ ریاست میں ان کی حمایت نہیں کریں گی۔ وہ بنگال میں بی جے پی کے ایجنٹ ہیں۔

• Today, Smt. @MamataOfficial led impactful Janasabhas in Murshidabad and Jangipur LS constituencies.
  
  As the Lok Sabha elections commence today, let's remember that this election is our second independence movement. It's a battle to liberate our nation from the clutches of… pic.twitter.com/30Hw56bIsU

  — All India Trinamool Congress (@AITCofficial) April 19, 2024

مرشد آباد میں ایک ریلی سے خطاب کرتے ہوئے بنرجی نے یہ بھی کہا کہ تمام پری پول سروے فرضی ہیں اور بی جے پی کو 200 سے زیادہ سیٹیں نہیں ملیں گی۔ممتا بنرجی نے کہاکہ بنگال میں کانگریس اور سی پی آئی ایم خود کو انڈیا اتحاد کہہ رہی ہے ۔انڈیا اتحاد یہاں نہیں ہے، دہلی کا ہے۔ کانگریس اور سی پی آئی (ایم) یہاں انڈیا اتحاد نہیں ہیں۔

وہ بی جے پی ہیں۔ ان کے لیے ایک ووٹ کا مطلب ہے بی جے پی کو دو ووٹ۔ (ان کے لیے) ووٹ بھی نہ ڈالیں،‘‘ بنرجی نے کہاکہ ہم آنے والے دنوں میں اپوزیشن اتحاد انڈیا کی قیادت کریں گے۔ لیکن بنگال میں سی پی آئی (ایم) اور کانگریس بی جے پی کے ایجنٹ ہیں۔ لہذا میں یہاں ان کی حمایت نہیں کروں گی ۔

ٹی ایم سی، کانگریس اور سی پی آئی (ایم) اپوزیشن انڈیا اتحاد کا حصہ ہیں لیکن ممتا بنرجی نے مغربی بنگال میں اکیلے لوک سبھا انتخابات لڑنے کا فیصلہ کیا ہے۔ اگرچہ سی پی آئی (ایم) نے پہلے کہا تھا کہ وہ ٹی ایم سی اور کانگریس دونوں سے لڑیں گی، لیکن ان دونوں جماعتوں کے درمیان بات چیت ناکام ہونے کے بعدان کا لہجہ تبدیل ہوگیا۔

خیال رہے کہ مرشدآباد میں کانگریس اور سی پی آئی ایم اتحاد کافی مضبوط ہے۔ ساگردیگھی میں سی پی آئی (ایم) کانگریس نے گزشتہ سال ضمنی انتخابات میں ترنمول کو شکست دی۔ کانگریس کے ریاستی صدر ادھیر رنجن چودھری اور سی پی آئی (ایم) کے ریاستی سکریٹری محمد سلیم بھی بالترتیب برہام پور اور مرشد آباد لوک سبھا حلقوں سے انتخاب لڑ رہے ہیں۔

بنرجی نے بی جے پی اور الیکشن کمیشن آف انڈیا (ای سی آئی) پر بھی تنقید کی۔ بی جے پی کو ملک میں 200 سیٹیں بھی نہیں مل رہی ہیں۔ تمام سروے جعلی ہیں۔ سروے میں لاکھوں روپے لگائے گئے ہیں۔ اسے مت سنیںبی جے پی نہیں جیت پائے گی۔

ممتا بنرجی نے الیکشن کمیشن کے کردار پر سوالیہ نشان لگاتے ہوئے کہا کہ میں یہ پہلی بار دیکھ رہی ہوں۔ آپ ریاستی پولیس کو چھوڑ کر صرف مرکزی فورسز کے ساتھ ووٹنگ کرارہے ہیں۔ تاکہ لوگ ووٹ نہ ڈال سکیں؟ ۔مغربی بنگال میں لوک سبھا انتخابات 19 اپریل سے یکم جون تک تمام سات مرحلوں میں ہوں گے۔ تین حلقوں کوچ بہار، علی پور دوار اور جلپائی گوڑی میں جمعہ کو پولنگ ہورہی ہے۔