مدھوبنی: ریاست بہار کے مدھوبنی پارلیمانی حلقے میں پانچویں مرحلے کے لیے بروز سوموار کو ووٹ ڈالے گئے۔ ووٹنگ صبح سات بجے سے شام کے چھہ بجے تک ہوئی۔ مدھوبنی پارلیمانی حلقے میں کل کل چھہ اسمبلی حلقے آتے ہیں جس میں دربھنگہ ضلع کے جالے اسمبلی حلقہ اور کیو ٹی اسمبلی حلقہ کے رائے دہندگان نے بھی ووٹ ڈالا۔
اس بار مدھوبنی پارلیمانی حلقے سے آر جے ڈی انڈیا الائنس کی جانب سے سابق وزیر مملکت محمد علی اشرف فاطمی اور بی جے پی این ڈی اے کی جانب سے اشوک کمار یادو کے درمیان سیدھا مقابلہ بتایا جا رہا ہے۔ علی اشرف فاطمی پہلی بار مدھوبنی پارلیمانی حلقے سے اپنی قسمت آزما رہے ہیں۔ وہیں دربھنگہ پارلیمانی حلقے سے چار بار ممبر پارلیمنٹ رہ چکے ہیں۔
وہیں بی جے پی کے اشوک کمار یادو دوسری بار اپنی قسمت آزما رہے ہیں ابھی ممبر پارلیمنٹ بھی رہے ہیں۔ مدھوبنی پارلیمانی حلقے سے آج سوموار کو مدھوبنی پارلیمانی حلقے کی عوام اپنے ووٹ کا استعمال کر رہے ہیں۔ اسی درمیان ای ٹی وی بھارت سے خصوصی بات کرتے ہوئے رائے دہندگان نے تبدیلی کی بات پر زور دیا۔ لوگوں نے کہا کہ جو بھی منتخب ہو، اسے علاقے کے لیے ایمانداری سے کام کرنا چاہیے۔
یہ بھی پڑھیں: مدھوبنی میں آر جے ڈی کے اُمیدوار علی اشرف فاطمی کے مد مقابل تین مسلم اُمیدوار کھڑے ہیں
