لکھنؤ: اترپردیش میں 9 اسمبلی سیٹوں پر ہونے والے ضمنی انتخابات میں انڈیا اتحاد کے سبھی امیدوار سماج وادی پارٹی کے انتخابی نشان پر الیکشن لڑیں گے۔ اکھلیش یادو نے اپنے سوشل میڈیا اکاؤنٹ ایکس پر اس کا باضابطہ اعلان کیا۔ انہوں نے لکھا کہ 'یہ سیٹ جیتنے کی بات نہیں ہے۔' اس حکمت عملی کے تحت 'انڈیا الائنس' کے مشترکہ امیدوار سماج وادی پارٹی کے نشان 'سائیکل' پر تمام 9 سیٹوں پر الیکشن لڑیں گے۔
‘बात सीट की नहीं जीत की है’ इस रणनीति के तहत ‘इंडिया गठबंधन’ के संयुक्त प्रत्याशी सभी 9 सीटों पर समाजवादी पार्टी के चुनाव चिन्ह ‘साइकिल’ के निशान पर चुनाव लड़ेंगे।
— Akhilesh Yadav (@yadavakhilesh) October 23, 2024
कांग्रेस और समाजवादी पार्टी एक बड़ी जीत के लिए एकजुट होकर, कंधे से कंधा मिलाकर साथ खड़ी है। इंडिया गठबंधन इस…
ایس پی سربراہ نے مزید لکھا کہ ''کانگریس اور سماج وادی پارٹی ایک ہیں اور ایک بڑی جیت کے لیے کندھے سے کندھا ملا کر کھڑے ہیں۔ انڈیا اتحاد اس ضمنی انتخاب میں جیت کا نیا باب لکھنے جا رہا ہے۔ کانگریس پارٹی کی اعلیٰ قیادت سے لے کر بوتھ سطح کے کارکنوں تک سبھی کے ساتھ آنے سے سماج وادی پارٹی کی طاقت کئی گنا بڑھ گئی ہے۔ اس بے مثال تعاون اور حمایت سے 'انڈیا الائنس' کا ہر کارکن تمام 9 اسمبلی سیٹوں پر جیتنے کا عہد لے کر نئی توانائی سے بھر گیا ہے۔ یہ ملک کے آئین، ہم آہنگی اور پی ڈی اے کا وقار بچانے کا الیکشن ہے۔ اسی لیے ہماری اپیل ہے کہ ایک ووٹ بھی کم نہ ہو، ایک ووٹ بھی تقسیم نہ ہو۔ ملک کے مفاد میں 'انڈیا الائنس' کا یہ اتحاد اور یکجہتی آج اور کل بھی نئی تاریخ لکھے گا۔''
تاہم، اس سے قبل کانگریس کے ترجمان نے دعویٰ کیا تھا کہ کانگریس ضمنی انتخابات میں دو اسمبلی سیٹوں پر اپنے امیدوار اتارے گی۔ اس میں علی گڑھ کی کھیر اسمبلی سیٹ اور غازی آباد اسمبلی سیٹ شامل ہے۔ اس کے بعد بدھ کو اکھلیش یادو نے اس حوالے سے صورت حال کو پوری طرح واضح کر دیا۔ انہوں نے تمام 9 اسمبلی سیٹوں پر سائیکل کے نشان پر ہی الیکشن لڑنے کی بات کہی۔ انہوں نے کانگریس کارکنوں سے بھی خطاب کیا۔
آپ کو بتاتے چلیں کہ ضمنی انتخاب کے لیے ووٹنگ 13 نومبر کو ہے۔ کاغذات نامزدگی 25 اکتوبر تک بھرے جاسکتے ہیں۔ الیکشن کے نتائج 23 نومبر کو آئیں گے۔ ریاست کی نو اسمبلی سیٹوں پر ضمنی انتخابات ہونے ہیں۔ ان میں پھول پور، غازی آباد، مجھواں، کھیر، میرا پور، سیساماؤ، کٹہری، کرہل اور کندرکی اسمبلی سیٹیں شامل ہیں۔
بی جے پی نے سات سیٹوں پر امیدوار کھڑے کیے
بی جے پی نے نامزدگی کے آخری دن سے قبل اتر پردیش کی 9 اسمبلی سیٹوں پر ہو رہے ضمنی انتخابات کے لیے اپنے 7 امیدواروں کے ٹکٹ فائنل کر دیے ہیں۔ میراپور سیٹ آر ایل ڈی کے کھاتے میں گئی ہے۔ آر ایل ڈی وہاں اپنا امیدوار کھڑا کرے گی۔ وہیں بی جے پی نے ابھی تک کانپور کی سیسماؤ سیٹ کا ٹکٹ فائنل نہیں کیا ہے۔
بی جے پی کی طرف سے جاری کردہ امیدواروں کی فہرست میں غازی آباد سے سنجیو شرما، کنڈرکی سے رامویر ٹھاکر، کرہل سے انوجیش یادو، کھیر سے سریندر دلیر، پھول پور سے دیپک پٹیل، کٹہری سے دھرم راج نشاد، مجھواں سے سوچیسمتا موریہ کو ٹکٹ دیا گیا ہے۔ آپ کو بتا دیں کہ یوپی کی 9 سیٹوں پر ضمنی انتخابات کے لیے ووٹنگ 13 نومبر کو ہوگی۔ ووٹنگ کے بعد ان کے نتائج کا اعلان 23 نومبر کو کیا جائے گا۔
اترپردیش ضمنی انتخابات: سماجوادی پارٹی نے 6 امیدواروں کا اعلان کیا، عرفان سولنکی کی اہلیہ کو ٹکٹ
