لکھنؤ: اٹاوہ میں آگرہ لکھنؤ ایکسپریس وے پر کار اور سلیپر بس کے درمیان زبردست تصادم ہوا۔ جس کی وجہ سے کار ایکسپریس وے سے نیچے گر گئی۔ حادثہ ہفتہ کی رات دیر گئے پیش آیا۔ اس میں 7 لوگوں کی موت ہو گئی، جبکہ 45 لوگ زخمی ہوگئے۔ حادثے کے بعد چیخ و پکار سے لوگوں کی بھیڑ جمع ہوگئی۔ پولیس بھی موقع پر پہنچ گئی۔ لوگوں کی مدد سے پولیس نے زخمیوں کو سیفائی میڈیکل کالج منتقل کیا۔
#WATCH | Dr Vivek Chaudhary, CMO, Saifai PGI says, " the accident happened after midnight. a bus and car collided, and around 50 patients have come here...all are undergoing treatment. 6-7 patients are critical" https://t.co/7AlvM3kTYL pic.twitter.com/Iq697bWfve
— ANI UP/Uttarakhand (@ANINewsUP) August 4, 2024
ایس ایس پی سنجے کمار ورما نے بتایا کہ ناگالینڈ نمبر کی ایک سلیپر بس رائے بریلی سے دہلی جا رہی تھی۔ بس میں کل 60 افراد سوار تھے۔ اسی دوران دوسری لائن پر ایک کار آگرہ سے لکھنؤ جارہی تھی۔ بتایا جارہا ہے کہ کار ڈرائیور رات 12.45 بجے ایکسپریس وے کے چینل نمبر 129 کے قریب سو گیا تھا۔ جس کی وجہ سے کار دوسری لین میں چلی گئی اور سلیپر بس سے ٹکرا گئی۔ تصادم کے بعد بس ایکسپریس وے سے 20 فٹ نیچے گرگئی۔
#WATCH | Etawah, Uttar Pradesh: 7 killed in a collision between a double-decker bus and car on Agra Lucknow Expressway
— ANI UP/Uttarakhand (@ANINewsUP) August 4, 2024
SSP Etawah Sanjay Kumar Verma says, " a double-decker bus going from raebareli to delhi collided with a car at around 12:30 am. there were 60 people on the bus,… pic.twitter.com/LcuMLYDLpN
ایس ایس پی نے بتایا کہ حادثے میں کار میں سفر کرنے والے 3 افراد اور بس میں سفر کرنے والے 4 افراد سمیت کل 7 افراد ہلاک ہوگئے۔ حادثے کے بعد اٹاوہ، بسریہر، چوبیہ، بھرتھانہ، اسرہر اور سیفائی تھانہ کی پولیس بھی موقع پر پہنچ گئی۔ ایس ایس پی، ایس پی رورل اور دیگر انتظامی افسران بھی موقع پر پہنچ گئے۔ زخمیوں کو ایمبولینس کے ذریعے اسپتال بھیج دیا گیا۔ ایس ایس پی نے بتایا کہ حادثہ کس طرح پیش آیا ابھی واضح نہ ہوسکا۔ ابتدائی طور پر تحقیقات کا آغاز کیا گیا اور لاشوں کی شناخت کی جا رہی ہے۔ زخمیوں کے بارے میں بھی معلومات اکٹھی کی جارہی ہیں۔
