نوئیڈا: ریاست اتر پردیش کے ضلع نوئیڈا میں سرس اجیویکا میلے کا اہتمام کیا گیا ہے۔اتر پردیش کی گورنر آنندی بین پٹیل نے سرس اجیویکا میلے کا دورہ کیا۔ان کے دورے کے مدنظر سیکورٹی انتظامات سخت کئے گئے ہیں۔
میلے میں مختلف ریاستوں کے سیلف ہیلپ گروپس کے ذریعہ لگائے گئے اسٹالوں پر پہنچ کر گورنر نے دیدیوں کے دستکاری کا معائنہ کیا اور ان کی تعریف کی۔ گورنر مسز پٹیل نے مختلف گروپوں کے دیدیوں سے بات کی ۔ ان کے کاروبار کے بارے میں جانکاری حاصل کی۔ اس کے ساتھ انہوں نے اس تقریب کے انعقاد کے لیے دیہی ترقی کی مرکزی وزارت اور دیہی ترقی اور پنچایتی راج کے قومی ادارہ (NIRDPR) کی کوششوں کی تعریف کی۔
بہنوں کو دیے گئے پیغام میں گورنر نے کہا کہ مرکزی اور ریاستی حکومتوں کی یہ کوشش ہے کہ ملک کی تمام خواتین کو خود انحصار بنایا جائے۔ اس سلسلے میں ملک بھر کی تمام ریاستوں میں سرس روزی روٹی میلوں کا انعقاد کیا جاتا ہے۔ آج چونکہ یہ میلہ اتر پردیش کے نوئیڈا میں منعقد کیا جا رہا ہے۔
اس موقع پر میں ملک بھر کی تمام ریاستوں سے تعلق رکھنے والی اپنی تمام بہنوں کو یہاں نوئیڈا ہاٹ میں خوش آمدید کہتی ہوں۔ گورنر نے کہا کہ آج وقت آگیا ہے کہ ہماری کوئی بہن اور کوئی بیٹی بیکار نہ بیٹھے۔ ہر ایک کا اپنا روزگار ہونا چاہیے۔ اس موقع پر انہوں نے گروپ کے 10 دیدیوں سے ملاقات کی۔ جس میں فوڈ کورٹ کی 3 بہنیں رومینہ احد، امرجیت کور اور چندو دیوی اور بھاونا، رینو ترکے، گیتا، پرنیتا، لیما گوگوئی، عائشہ اور نیہا سنگھ شامل تھیں۔
یہ بھی پڑھیں:علیگڑھ نمائش کشمیری تاجروں کی پہلی پسند
مقامی ایم پی ڈاکٹر مہیش شرما، ایم ایل سی سری چند شرما، مرکزی دیہی ترقی کی وزارت کی جوائنٹ سکریٹری سواتی شرما، ضلع مجسٹریٹ منیش کمار ورما، پولس کمشنر لکشمی سنگھ، نوئیڈا اتھارٹی کے سی ای او لوکیش ایم، اے ڈی ایم انتظامیہ نتن مدن اور اسسٹنٹ ڈائریکٹر NIRDPR. چرنجی لال کٹاریہ سمیت ضلع کے انتظامی اور پولیس افسران موجود تھے۔
