بیدر:حضرت سید شاہ نصر اللہ محمد محمد الحسینی میڈیا سے بات چیت کرتے ہوئے کہاکہ دو روزہ عرس مبارکب کا آغاز 26 مارچ کو ہو گا۔اس موقع پر مختلف تقریبات کا اہتمام کیا جائے گا۔اس موقع پر 26 مارچ بروز منگل بعد نماز ظہر خانقاہ قطب ثانی نور خان تعلیم بیدر سے روانہ ہو کر بارگاہ پہنچے گا۔نماز عصر مراسم صندل مالی انجام دی جائے گی۔
انہوں نے کہاکہ بعد ازاں یوم ولادت سیدنا امام حسین مجتبی رضی اللہ عنہ عظمت اہل بیت کے عنوان پر مولانا محمد ریاض احمد خان( مبلغ سنی دعوت اسلامی بیدر) خطاب فرمائیں گے۔ جلسے عظمت اہل بیت کے فوری بعد افطار کا اہتمام کیا جائے گا ۔بعد نماز مغرب تناول طعام کا انتظام کیا جائے گا ۔
ان کا کہنا ہے کہ 27 مارچ بروز چہار شنبہ بعد نماز مغرب چراغاں ہوں گے۔ بعد نماز تراویح محفل سماع کا انعقاد ہوگا جس میں شاہ عالم بندہ نوازی و ہمنوا کلام پیش کریں گے ۔28 مارچ بروز جمعرات زیارت شریف حضرت خواجہ سید شاہ علی قطب ثانی بعد فاتحہ تبرکات تقسیم کئے جائیں گے۔عرس انتظامیہ کی جانب سے تمام عقیدت مندان اولیاء کی کثیر تعداد میں شرکت فرما کر ثواب دارین حاصل کرنے کی اپیل کی گئی ہے ۔
