حیدرآباد: آندھرا پردیش کے چیف منسٹر چندرا بابو نائیڈو نے تلنگانہ کے چیف منسٹر ریونت ریڈی کو ایک خط لکھا ہے جس میں آندھرا پردیش تنظیم نو قانون 2014 سے متعلق حل طلب مسائل کو حل کرنے کے لیے روبرو ملاقات کی تجویز پیش کی ہے۔ جس پر تلنگانہ کے چیف منسٹر ریونت ریڈی نے مثبت جواب دیا ہے۔ دراصل، منگل کو آندھرا پردیش کے وزیر اعلیٰ چندرا بابو نائیڈو نے تلنگانہ کے وزیر اعلیٰ کو ایک خط لکھا تھا۔ اس خط میں انہوں نے ان مسائل کو حل کرنے کی اہمیت پر زور دیا جو تقریباً ایک دہائی قبل آندھرا پردیش کی تقسیم کے بعد سے زیر التواء ہیں۔ نائیڈو نے لکھا کہ اس وقت کی آندھرا پردیش کی تقسیم کو 10 سال ہوچکے ہیں۔ تنظیم نو کے قانون سے پیدا ہونے والے مسائل کے حوالے سے بہت سی بات چیت ہوئی ہے، جن کا ہماری ریاستوں کی فلاح و بہبود اور ترقی کے لیے اہم مضمرات سے راست تعلق ہیں۔
I have written to the Hon'ble Chief Minister of Telangana, Sri @revanth_anumula Garu, proposing a meeting to discuss matters of mutual interest between our two Telugu-speaking States. I look forward to working closely with him to resolve post-bifurcation issues, enhance… pic.twitter.com/RKVbBYwpxO
— N Chandrababu Naidu (@ncbn) July 1, 2024
یہ بھی پڑھیں:
انہوں نے اس خواہش کا اظہار کیا کہ یہ ضروری ہے کہ ہم ان مسائل کو پوری لگن اور عزم کے ساتھ خوش اسلوبی سے حل کریں۔ اس کے پیش نظر میں تجویز کرتا ہوں کہ ہم 6 جولائی بروز ہفتہ کی سہ پہر آپ کے گھر ملاقات کریں۔ جس کے جواب میں ریونت ریڈی نے چندرا بابو کو خط لکھا ہے۔ جسے انہوں نے سوشل میڈیا پر بھی شیئر کیا ہے۔ خط میں انھوں نے لکھا، 'تقسیم کے مسائل کو حل کرنے کے لیے گفت و شنید کے لیے آپ کے خط کا شکریہ۔ اے پی اسمبلی اور لوک سبھا انتخابات میں بے مثال کامیابی پر مبارکباد۔ ان چند سیاسی رہنماؤں کی صف میں شامل ہونا خوشی کی بات ہے جنہوں نے آزاد ہندوستان میں چوتھی بار وزیر اعلیٰ کا حلف اٹھایا ہے۔ اے پی سی ایم کے طور پر اس مرحلے میں آپ کی کامیابی کی خواہش کرتا ہوں۔ میں آپ کی اس تجویز سے پوری طرح متفق ہوں کہ تلگو ریاستوں کے چیف منسٹرس کی حیثیت سے ہمیں آمنے سامنے بات چیت کرنی چاہیے۔ تقسیم قانون سے متعلق مسائل کو حل کرنا ضروری ہے۔
In reply to the Hon'ble Chief Minister of Andhra Pradesh Sri @ncbn Garu, proposing a meeting to discuss and resolve all pending issues of the bifurcation act, I invite him on behalf of Telangana Govt for tete-a-tete on 6th July at Mahatma Jyoti Rao Phule Bhavan in Hyderabad. pic.twitter.com/k2babR5boP
— Revanth Reddy (@revanth_anumula) July 2, 2024
انہوں نے لکھا کہ دونوں ریاستوں کے لوگوں کو مزید خدمات فراہم کرنے، خیالات کا تبادلہ کرنے اور تعاون کرنے کے لیے آمنے سامنے ملاقات ضروری ہے۔ تلنگانہ کے عوام اور حکومت کی طرف سے، میں آپ کو اس مہینے کی 6 تاریخ کو پرجا بھون میں آمنے سامنے بات چیت کے لیے مدعو کرتا ہوں۔ حیدرآباد میں ریونت ریڈی کی رہائش گاہ پر میٹنگ کی تجویز پیش کرتے ہوئے نائیڈو نے آندھرا پردیش اور تلنگانہ کے وزرائے اعلیٰ کی ترقی اور خوشحالی کے باہمی اہداف کو حاصل کرنے کی ذمہ داری پر زور دیا۔
