فیروز آباد: سماج وادی پارٹی کے قومی جنرل سکریٹری پروفیسر رام گوپال یادو نے سنیچر کو ایک بیان میں کہا کہ 'بھگوان' بدھ کے بنائے ہوئے بدھ استوپوں کو شنکراچاریہ نے وسیع پیمانے پر منہدم کیا تھا۔ شنکراچاریہ کے شاگردوں نے مغل حکمران اورنگزیب کے ہاتھوں ٹوٹے ہوئے مندروں سے زیادہ بودھ استوپوں کو توڑا تھا۔'
رام گوپال یادو نے سنیچر کو فیروز آباد میں سنت رویداس کے یوم پیدائش پر ان کے پیروکاروں سے خطاب کر رہے تھے۔ گاؤں نظام پور گڑھوما میں منعقدہ پروگرام میں رام گوپال یادو نے سب سے پہلے بدھ کے مجسمے کے سامنے سر جھکایا۔ اس کے بعد عوام سے خطاب کرتے ہوئے نہوں نے کہا کہ جب ہندو مذہب میں ذات پات، چھوا چھوت، امتیاز جیسی بہت سی برائیاں تھیں، تب بدھ نے بدھ مت کو ایک تحریک کے طور پر قائم کیا تھا۔ بعد میں یہ بدھ مت اس قدر مقبول ہوا کہ نہ صرف بھارت بلکہ چین، سری لنکا، برما سمیت کئی ممالک میں پھیل گیا۔
اس مت کے پیروکاروں کی ایک بڑی تعداد اب بھی ان ممالک میں آباد ہے۔ انہوں نے کہا کہ جو جابرانہ اور امتیازی رویہ رکھنے والے لوگ تھے، وہ غالب ہو چکے ہیں۔ اس نے بھارت سے بدھ مت کا تقریباً خاتمہ کر دیا تھا۔ ملک میں بدھ کے پیروکاروں نے جو استوپ بنائے تھے، تقریباً ان تمام کو منہدم کر دیا گیا تھا۔
انہوں نے کہا کہ اورنگ زیب نے جتنے مندروں کو تباہ کیا تھا اس سے 100 گنا زیادہ بودھ استوپ آدی شنکراچاریہ اور ان کے شاگردوں نے توڑے۔ بعد میں بابا صاحب بھیم راؤ امبیڈکر نے اس کے خلاف آواز اٹھائی۔ آج اقتدار میں موجودہ لوگ بھی وہی امتیازی ذہنیت رکھتے ہیں۔
یہ بھی پڑھیں: 'مقامی باشندوں کے تعاون کے بغیر جموں و کشمیر میں ترقی ممکن نہیں'
انہوں نے کہا کہ اقتدار سے وابستہ لوگ عام لوگوں کے بنیادی حقوق چھیننے کی کوشش کر رہے ہیں۔ پارلیمنٹ میں ایسے قوانین بنائے جا رہے ہیں جو آئین کی بنیادی روح کے خلاف ہیں۔ ہمیں اس کو روکنا ہوگا۔
