اجمیر: راشٹریہ مسلم مورچہ، بھارت مکتی مورچہ اور راشٹریہ پسماندہ طبقاتی مورچہ کی مشترکہ کال پر مسلمانوں پر مسلسل جان لیوا حملوں، ناانصافیوں، مظالم اور بڑھتے ہوئے واقعات کے خلاف ملک کی 31 ریاستوں کے 563 ضلع ہیڈکوارٹرز پر میمورنڈم دیا گیا۔ ملک بھر میں ہجومی تشدد کی بڑھتی وارداتوں کے مدنظر صدر جمہوریہ ہند کو بھی میمورنڈم دیا گیا ہے۔
مرکزی حکومت اور بی جے پی کی حکومت والی ریاستوں میں بے گناہ مسلمانوں کو نشانہ بنایا جا رہا ہے۔مسلمانوں کو ہدف بنایا جا رہا بے۔اس کے ساتھ ساتھ بے گناہ مسلمانوں کو جھوٹے مقدمات میں پھنسایا جا رہا ہے۔ان کے گھروں کو بلڈوزر سے مسمار کیا جا رہا ہے۔ جس کی وجہ سے ملک کا بھائی چارہ اور امن خراب ہو رہا ہے۔
انہوں نے مزید کہاکہ مسلمانوں پر جاری حملوں کے خلاف عام لوگوں میں ناراضگی پائی جا رہی ہے۔دوسرے مذاہب کے لوگوں میں غصہ پایا جا رہا ہے۔ اسی لیے او بی سی، ایس سی۔ ایس ٹی اور اقلیتی طبقے کے لوگوں کا مطالبہ ہے کہ ایسی نفرت پھیلانے والی تنظیموں اور ان سے وابستہ لوگوں کے خلاف سخت کارروائی کی جائے۔
یہ بھی پڑھیں:عاپ رہنما اور شاعر شہناز ہندوستانی کی اجمیر شریف کی درگاہ پر حاضری
اس موقع پر دیدی پرملتا شاکیہ، رنویر سنگھ، ایڈوکیٹ شیخ زادہ اتیشام چشتی، پریم پرکاش عمروال، رستم علی گھوسی، نذیر قادری، بہاری لال تاراچندوپیا، صدرالدین قریشی، مدن سنگھ گدوریا، کلو قریشی، جسو لال برنولیا، اقبال الدین قریشی، بدرالدین قریشی ، ابراہیم، ہشام علی پوار وغیرہ موجود تھے۔
