نوئیڈا :اتر پردیش کے نوئیڈا میں اپنے شوہر کو دھوکہ دے کر تین بچوں کے ساتھ پاکستان سے آئی سیما حیدر اور سچن نے اپنی شادی کی سالگرہ منائی تھی۔ جسے پاکستان میں رہنے والے سیما کے شوہر غلام حیدر نے شادی کو چیلنج کرتے ہوئے نوئیڈا کی فیملی کورٹ میں درخواست دائر کی تھی۔ یہ کیس پانی پت کے وکیل مومن ملک کی جانب سے دائر کی گئی تھی
پوری کہانی کیا ہے؟
اس معاملے کی جانکاری دیتے ہوئے سیما کے پہلے شوہر غلام حیدر کے وکیل مومن ملک نے بتایا کہ نوئیڈا کی فیملی کورٹ نے شادی کرنے والے پنڈت کو بھی سمن جاری کیا ہے۔ غلام حیدر بھی اس کیس میں گواہی دینے کے لیے جلد بھارت آ سکتے ہیں۔ ان کے پاس ٹھوس ثبوت ہیں جنہیں وہ نوئیڈا کی فیملی کورٹ میں پیش کریں گے۔ وکیل نے سوال اٹھایا کہ آج بھی کاغذ پر سیما غلام حیدر کی بیوی ہے تو پھر سیما کس بنیاد پر سچن کی بیوی بنی؟
لہٰذا درخواست کی سماعت کرتے ہوئے فیملی کورٹ نے وکیل اور پنڈت سمیت شادی کے تمام مہمانوں کو پیش ہونے کا نوٹس جاری کیا ہے۔شادی کے علاوہ بچوں کو گود لینے, مذہب کی تبدیلی وغیرہ کے عمل کو بھی عدالت میں چیلنج کیا گیا, وکیل کے مطابق سیما کو عدالت میں ثابت کرنا ہوگا کہ انہوں نے ہندو مذہب کب قبول کیا اس کے علاوہ نابالغ بچوں کا مذہب بھی اس طرح تبدیل نہیں کیا جا سکتا جن لوگوں کو سمن جاری کیے گئے ہیں انہیں تاریخ سماعت پر عدالت میں حاضر ہونا ہوگا۔ اب اس معاملے کی اگلی سماعت 27 مئی کو ہوگی۔
عدالت میں مقدمہ درج
آپ کو بتا دیں کہ نوئیڈا (گوتم بدھ نگر) ڈسٹرکٹ فیملی کورٹ نے سیما ،سچن، اے پی سنگھ، پنڈت اور شادی کے مہمانوں یعنی باراتیوں کو 27 مئی کو حاضر ہونے کو کہا ہے۔ اس حوالے سے وکیل مومن ملک نے کہا ہے کہ اگر یہ سب 27مئی کو پیش نہ ہوئے تو عدالت نے واضح طور پر کہا ہے کہ سماعت یک طرفہ ہو سکتی ہے۔
موصولہ اطلاعات کے مطابق کچھ عرصہ قبل سیما حیدر اور سچن نے اپنی شادی کی پہلی سالگرہ بہت دھوم دھام سے منائی تھی۔ سیما کا دعویٰ ہے کہ اس نے نیپال کے ایک مندر میں سچن کے ساتھ سات چکر لگائے تھے۔ دونوں کے درمیان PUBG گیم سے پیدا ہونے والی محبت شادی کے مرحلے تک پہنچ گئی تھی۔ اس کے بعد سیما حیدر اپنے چار بچوں کو نیپال کے راستے بھارت لے آئی۔
یہ بھی پڑھیں:پاکستانی شوہر کے وکیل نے سیما حیدر کے خلاف مقدمہ درج کرایا - CASE FILEd AGAINST SEEMA HAIDER
تین جولائی 2023 کو سیما حیدر کو ہریانے کے بلبگڑھ سے گرفتار کیا گیا تھا وہ گوتنبوتر نگر نوئیڈا کے ربو پورا کے رہنے والے سچن کے ساتھ نیپال کے راستے غیر قانونی طریقے سے ہندوستان ائی تھی۔
