لکھنو: اس موقعے پر اتر پردیش حکومت میں اقلیتی فلاح و بہبود کی وزیر مملکت دانش ازاد انصاری نے ای ٹی وی بھارت سے بات چیت کرتے ہوئےکہا کہ یوگی آدتیہ ناتھ کی قیادت میں مدرسوں کی تصویر بدل رہی ہے۔ سماجوادی حکومت میں مدرسوں میں سائنس ٹیکنالوجی کمپیوٹر کی تعلیم نہیں دی جاتی تھی لیکن اب مدرسوں میں ان تمام فنون پر بچوں کو تربیت کی جاتی ہے۔
انہوں نے کہا کہ غیر منظور مدارس کو بند کرنے کا جو حکم نامہ جاری کیا گیا ہے۔ اس تعلق سے ہم غور و فکر کریں گے۔ آئین سے بڑھ کر کچھ بھی نہیں ہے۔ اگر آئین میں اقلیتوں کے اسکول کھولنے کا اختیار دیا گیا ہے تو ہم اس کو دیکھیں گے۔ آئین کے اوپر کچھ بھی نہیں ہے۔ اس کے خلاف کوئی بھی کام نہیں ہوگا۔
دانش ازاد انصاری نے کہا کہ مدرسہ ماڈرنائزیشن اسکیم کو بھی بحال کرنے کے لیے مرکزی وزیر کرن رججو سے بات چیت ہوئی ہے۔ امید ہے کہ مدرسہ ماڈرن ٹیچر اسکیم کے تحت سبھی ٹیچروں کو بحال کیا جائے گا۔
وہیں ارم اسکول اور دیگر مدارس کے طلباء نے ای ٹی وی بھارت سے بات چیت کرتے ہوئے کہا کہ اج سابق صدر جمہوریہ ڈاکٹر اے پی جی عبدالکلام کے یوم وفات کے موقع پر ہم سائنس نمائش میں حصہ لے رہے ہیں۔ مجھے بے حد خوشی ہو رہی ہے کہ اس کا حصہ بنے ہیں۔ انہوں نے کہا کہ اب تک جو مدرسوں پہ الزام عائد ہوتا رہا کہ مدرسوں میں سائنس ٹیکنالوجی کمپیوٹر کی تعلیم نہیں ہوتی ہے وہ بے بنیاد ہے ہم لوگ سائنس کی تعلیم حاصل کر رہے ہیں اور ہر وہ چیز جانتے ہیں جسے دیگر اسکولوں میں پڑھایا جاتا ہے۔
وہیں ایک طالبہ زبیدہ نے کہا کہ میں اگے چل کر کے ڈاکٹر بننا چاہتی ہوں اور اس کی وجہ یہ ہے کہ جب ہم ڈاکٹر بنیں گے تو غریب لوگوں کو علاج فراہم کریں گے مدرسہ دارالعلوم وارثیہ کے ایک طالب علم نے سائنس نقطہ نظر سے وائبریشن موشن ماڈل پیش کیا۔ اس کے تحت انہوں نے بتایا کہ یہ ایسا ماڈل ہے۔اس میں ارتعاش یعنی حرکت ہوتی ہے لیکن یہ اپنی جگہ جمع رہتا ہے۔ سائنس کا یہ نظریہ بے حد مقبول ہوا۔
وہیں نمائش میں شامل زبیدہ نے بتایا کہ ہم نے ایک ایسا ماڈل تیار کیا ہے جس میں سات رنگ بھرے ہیں اور سائنس کا یہ نظریہ ہے کہ جب سات رنگ کو تیز سے گھمایا جائے تو اس میں سفید رنگ نظر اتا ہے لہذا سفید رنگ سات رنگوں سے مل کے بنتا ہے۔ انہوں نے سیارے اور سورج کی گردش کو بھی سائنس کے نقطہ نظر سے بتایا۔
یہ بھی پڑھیں:
مظفرنگر: مدرسہ فیض محمدی نیرانہ میں ختمِ نبوت کوئز کا انعقاد
فاطمہ نے ای ٹی وی بھارت سے بات چیت کرتے ہوئے کہا کہ جسم میں بلڈ سرکولیشن کیسے ہوتا ہے اور اس کا نظام کیا ہے اس طریقے سے درجنوں طلبہ و طالبات نے سائنس ایگزیبیشن میں حصہ لیا اور متعدد ماڈلز پر اپنا ماڈل پیش کیا۔
