نئی دہلی/گریٹر نوئیڈا: بسرکھ کوتوالی علاقے میں گریٹر نوئیڈا ویسٹ اسٹیلر جیون سوسائٹی کے قریب پارک میں چہل قدمی کرنے والے ایک بزرگ کا موٹر سائیکل سوار بدمعاشوں نے قتل کر دیا۔ بتایا جا رہا ہے کہ بدمعاشوں نے اس بزرگ پر فائرنگ کرکے قتل کر دیا ہے۔ اطلاع پر تھانہ بسرکھ پولیس نے پہنچ کر لاش کو قبضے میں لے کر پوسٹ مارٹم کے لیے بھیج دیا۔ واقعہ کے بعد علاقے میں خوف و ہراس کا ماحول ہے۔ پولیس ملزم کی تلاش کر رہی ہے۔
فائرنگ میں ہلاک شدہ شخص کی شناخت ہری پرکاش کے طور پر کی گئی ہے، جو اسٹیلر جیون سوسائٹی کا رہنے والا تھا۔ ان کی عمر 68 سال بتائی جاتی ہے۔ ہری کشور وزارت داخلہ سے ریٹائرڈ افسر تھے، بدھ کی دوپہر وہ سوسائٹی کے قریب گرین بیلٹ میں واقع پارک میں ٹہل رہے تھے۔ اسی دوران موٹر سائیکل پر سوار دو بدمعاش آئے اور ان پر فائرنگ کردی۔ اس کے بعد وہ بندوق لہراتے ہوئے دکان سے فرار ہوگئے۔
واقعہ کے بعد آس پاس کے لوگ جمع ہوگئے اور مقتول کے اہل خانہ کو اطلاع دی۔ اطلاع ملتے ہی متاثرہ کے گھر والے پہنچے اور پولیس بھی ان کے ساتھ پہنچ گئی۔ پولیس نے معمر شخص کو قریبی ہسپتال میں داخل کرایا۔ جہاں ڈاکٹروں نے انہیں مردہ قرار دے دیا۔ یہ معلوم نہیں ہوسکا کہ بزرگ کو کیوں قتل کیا گیا۔ مقتول کے اہل خانہ کا کہنا ہے کہ اس کی کسی سے کوئی دشمنی نہیں تھی۔
ڈی سی پی سنٹرل سنیتی نے بتایا کہ پوسٹ مارٹم کے بعد یہ واضح ہو سکے گا کہ موت کی اصل وجہ کیا ہے۔ گھر والوں سے بھی پوچھ گچھ کی جا رہی ہے۔ پولیس جائے وقوعہ کے ارد گرد نصب سی سی ٹی وی کیمروں کی فوٹیج کا جائزہ لے رہی ہے۔ قتل کی وجہ کی تفتیش کی جا رہی ہے۔
