مرادآبادـ:ریاست اتر پردیش کے ضلع مرادآباد میں راشٹریہ مسلم منچ اور بھارت مکتی مورچہ کے عہدیداروں اور اراکین نے ضلع مجسٹریٹ کے ذریعہ صدر جمہوریہ کو ایک میمورنڈم بھیجا ہے جس میں مطالبہ کیا گیا ہے کہ جس طرح سے پورے ملک میں بے گناہ مسلمانوں پر حملہ کیا جا رہا ہے۔اسے جلد سے جلد روکا جائے۔
مرادآباد میں ملک بھر میں مسلمانوں پر جاری حملوں کے خلاف مرادآباد میں احتجاج (etv bharat)
راشٹریہ مسلم منچ اور بھارت مکتی مورچہ کے اراکین نےملک بھر میں بے گناہ مسلمانوں کے قتل کو روکنے کے لیے مظاہرے کیا۔مجرموں کے خلاف سخت کارروائی کا مطالبہ کیا۔انہوں نے حکومت کے خلاف نعرے لگائے۔ انہوں نے کہاکہ آج ملک کی مختلف ریاستوں میں مسلمانوں پر ظلم ہو رہا ہے ۔بے گناہ مسلمانوں کی شنوائی نہیں ہو رہی، انصاف کے لیے اعلیٰ حکام کے دفتر جا رہے ہیں لیکن کوئی سننے والا نہیں۔
