اجمیر: اللہ کے کلام سے قلبی مرض میں عقیدت مندوں کو شفا اور بیماری سے نجات مل رہی ہے۔ درگاہ کے دلان میں یہ دعا کے پرچے بزرگ خادم پیر ڈاکٹر سید نجم الحسن چشتی نے صوفی چشتی فاؤنڈیشن سوسائٹی کے زیر اہتمام تقسیم کئے جا رہے ہیں۔ اس دعا والے پرچے کو حاصل کرکے زائرین بھی بے حد خوش ہے۔
امریکہ سے آصف ڈور اور بلال چشتی سنگھانی نے بھی اجمیر پہنچ کر اس پرچہ کو حاصل کیا ہے۔ انہیں بے حد خوشی ہے کہ طبی مشورہ کے ساتھ بنیادی علاج قرانی آیتوں کے ذریعے حاصل ہوا ہے۔
سلطان الہند حضرت خواجہ معین الدین چشتی رحمت اللہ علیہ کی بارگاہ میں پہنچنے والے زائرین کو درگاہ زیارت کے ساتھ ساتھ ان دعاؤں سے بھی نوازا جا رہا ہے جو کہ ان کی زندگی میں ایک نئی روشنی بن کر آئی ہے۔ شوگر کی بیماری کے مریض کے لیے ڈیڑھ ماہ تک بلا ناگا تین مرتبہ صبح شام پڑھ کر پانی پر دم کر کے پینا ہے۔
یہ بھی پڑھیں:فرانسیسی صدر ایمانوئل میکرون درگاہ نظام الدین اولیاء پہنچے
درگاہ کے خادم کا کہنا ہے کہ لوگ اللہ پر یقین رکھتے ہیں اور اسی وجہ سے وہ بیماریوں سے نجات پا رہے ہیں۔ پرچہ حاصل کرنے والے لوگوں کی بھیڑ امڈ رہی ہے۔ انہوں نے کہاکہ دل کی بیماری میں مریض کو چاہیے کہ اس دعا کو پڑھ کر اپنے دل پر دم کرے۔ یقینا انہیں بیماری سے نجات مل جائے گی۔
