ممبئی کی ایک عدالت نے جمعرات کو شیوسینا (یو بی ٹی) کے رکن پارلیمنٹ سنجے راوت کو بی جے پی لیڈر کریٹ سومیا کی اہلیہ میدھا سومیا کی طرف سے ان کے خلاف دائر ہتک عزت کے ایک مقدمہ میں 15 دن قید کی سزا سنائی ہے۔ میٹروپولیٹن مجسٹریٹ (سیوری کورٹ) نے راجیہ سبھا کے رکن کو تعزیرات ہند کی دفعہ 500 (ہتک عزت کی سزا) کے تحت مجرم قرار دیا اور ان پر 25,000 روپے کا جرمانہ بھی عائد کیا۔
Maharashtra | Metropolitan Magistrate Mazgaon convicts Shiv Sena (UBT) leader Sanjay Raut in the defamation case on a complaint filed by Dr. Medha Kirit Somaiya, wife of BJP leader Kirit Somaiya: Vivekanand Gupta, advocate for Dr. Medha Kirit Somaiya
— ANI (@ANI) September 26, 2024
میدھا سومیا نے ایڈوکیٹ وویکانند گپتا کے ذریعے دائر اپنی شکایت میں الزام لگایا تھا کہ راوت نے ان کے اور ان کے شوہر کے خلاف بے بنیاد اور مکمل طور پر ہتک آمیز الزامات لگائے ہیں۔ انہوں نے کہاکہ راؤت نے ان پر میرا بھائیندر میونسپل کارپوریشن کے علاقہ میں کچھ عوامی بیت الخلاء کی تعمیر اور دیکھ بھال پر 100 کروڑ روپے کے گھوٹالہ میں ملوث ہونے کا الزام لگا۔
یہ بھی پڑھیں: مسلمانوں کو برقع بانٹنے والوں کو انتخاب میں برقعہ پہننا پڑےگا: ۔سنجے راؤت - Burqa Distribution
شکایت میں کہا گیا تھاکہ ’ملزم کے ذریعہ میڈیا کو دیئے گئے بیانات بالکل ہتک آمیز ہیں۔ یہ بیانات عام لوگوں کی نظروں میں میرے کردار کو خراب کرنے کے لیے دیے گئے ہیں‘۔ میٹروپولیٹن مجسٹریٹ نے سنجے راوت کو بی جے پی لیڈر کریٹ سومیا کی اہلیہ ڈاکٹر میدھا کریٹ سومیا کی شکایت پر ہتک عزت کے ایک مقدمے میں مجرم قرار دیا ہے۔ عدالت نے ان پر 25 ہزار روپے جرمانہ بھی عائد کیا ہے۔
