گیا: بہار میں دسویں محرم کو بڑی دھوم دھام سے تعزیہ جلوس نکالنے کی روایت ہے۔ مختلف اضلاع کے علاقوں میں دیر شام سے جلوس نکالا گیا اور رات میں یہ جلوس اپنی آخری منزل پر پہنچ کر اختتام پذیر ہوئے۔ جلوس کے دوران بہار کے ایک دو مقامات پر معمولی جھڑپیں بھی ہوئیں، ان میں مونگير ضلع بھی شامل ہے جہاں جلوس کے دوران ہنگامہ ہوا۔ بقیہ جگہوں پر پرامن ماحول میں جلوس کے اختتام ہونے کی اطلاع ہے۔
گیا میں پرامن ماحول میں دیر رات تک نکلتے رہے تعزیہ جلوس (ETV Bharat Urdu) گیا میں پرامن ماحول میں دیر رات تک نکلتے رہے تعزیہ جلوس (ETV Bharat Urdu) گیا میں پرامن ماحول میں دیر رات تک نکلتے رہے تعزیہ جلوس (ETV Bharat Urdu) یہ بھی پڑھیں:
ملک بھر میں یوم عاشور انتہائی عقیدت و احترام کے ساتھ منایا گیا، علم اور تعزیے کے جلوس نکالے گئے - Ashura Day celebrated with devotion
ضلع گیا میں شام چار بجے سے مسلم اکثریتی محلوں سے جلوس نکلے اور رات بارہ بجے تک مختلف راستوں سے ہوتے ہوئے کربلا اقبال نگر پہنچ کر اختتام کو پہنچے۔ تعزیہ جلوس کے دوران نوجوانوں نے روایتی لاٹھی ڈنڈے کے ساتھ تلوار بازی کی اور مختلف قسم کے کرتب کا بھی مظاہرہ کرتے نظر آئے، جب کہ جگہ جگہ پر تعزیہ جلوس کے دیکھنے کے لیے بڑی تعداد خواتین بھی سڑکوں پر نظر آئیں، اس بار گیا میں کئی محلوں سے تعزیہ جلوس نہیں نکالا گیا، جب کہ جہاں سے نکالے گئے وہاں پر بڑی تعداد میں لوگ شامل تھے، نادرہ گنج اور بائی پاس اور مانپور کے علاقے سے نکالے گئے جلوس میں سب سے زیادہ لوگوں کا ہجوم تھا۔
گیا میں پرامن ماحول میں دیر رات تک نکلتے رہے تعزیہ جلوس (ETV Bharat Urdu) گیا میں پرامن ماحول میں دیر رات تک نکلتے رہے تعزیہ جلوس (ETV Bharat Urdu) گیا میں پرامن ماحول میں دیر رات تک نکلتے رہے تعزیہ جلوس (ETV Bharat Urdu) اس دوران ضلع پولیس کی بڑی تعداد بھی تعینات تھی، سبھی جلوس کے آگے پیچھے پولیس کے جوان چل رہے تھے تاکہ پرامن ماحول میں جلوس کا اختتام کرایا جاسکے، امن کمیٹی میں شامل ہندو فرقے کے سماجی کارکنان بھی جلوس میں نظر آئے اور ان کی جانب سے امن بھائی چارہ اور آپسی اتحاد کا پیغام دیا گیا۔ ایس ایس پی آشیش بھارتی نے بتایا کہ ضلع گیا میں سبھی مقامات سے پرامن ماحول میں دس محرم کے جلوس کے اختتام ہونے کی اطلاع ہے۔ وہیں اس دوران جلوس میں شامل نوجوان اپنے ہاتھوں میں قومی پرچم ترنگا لےکر لہراتے نظر آئے۔ کچھ نوجوان آگ سے بھی کرتب دکھاتے نظر آئے۔
گیا میں پرامن ماحول میں دیر رات تک نکلتے رہے تعزیہ جلوس (ETV Bharat Urdu) گیا میں پرامن ماحول میں دیر رات تک نکلتے رہے تعزیہ جلوس (ETV Bharat Urdu) 
