مرادآباد:اتراکھنڈ کے ہلدوانی میں مسجد اور مدرسے کو مسمار کرنے کو لے کر ہوئے تشدد کے بعد بیشتر ریاستوں میں سیکورٹی الرٹ کر دیا گیا ہے۔اس کے پیش نظر پڑوسی ریاست اترپردیش کے مرادآباد میں بھی ہائی الرٹ سیکیورٹی کا انتظام کیا گیا۔ یہاں ذکر کر دیں کے مرادآباد اتراکھنڈ کی بارڈر سے لگا ہوا ایک حساس شہر مانا جاتا ہے۔
آج جمعہ کی نماز کی وجہ سے مرادآباد کے جامع مسجد علاقے میں بھاری پولیس فورسز تعینات کی گئی۔ آج صبح سے ہی ضلع کی پولیس مستعد نظر ائی اور اس نے کئی مسلم علاقوں میں پیٹرولنگ کی۔
ایس پی سٹی اکھلیش بھدوریہ نے اس متعلق معلومات دیتے ہوئے بتایا کہ آج جمعہ کی نماز کے دوران مرادآباد میں الرٹ کیا گیا تھا۔ جامع مسجد میں جمعہ کی نماز ادا کی گئی۔مرادآباد کے حالات پوری طرح قابو میں ہیں۔ پولیس کے اعلی افسران بھی حالات پر نظر بنائے ہوئے ہیں اور انہوں نے ضلع کے سبھی تھانہ انچارج کو احتیاط برتنے کی ہدایات دی ہیں اور پولیس سبھی کے ساتھ بات چیت کر رہی ہے اور حالات پر نظر بنائے ہوئے ہے۔
یہ بھی پڑھیں:ہلدوانی تشدد: پولس فائرنگ میں چار افراد ہلاک، 300 سے زائد لوگ زخمی، 70 گاڑیاں نذر آتش
ڈرون اور سی سی ٹی وی کیمروں کے ذریعے گھنی آبادی والے علاقوں میں خاص نظر رکھی جا رہی ہے۔ اور لوگوں کو اکسا کر ماحول خراب کرنے والے لوگوں پر بھی پولیس کی سخت نظر ہے پولیس کے اعلی افسران تمام تھانہ انچارج کے ساتھ بات چیت کر رہے ہیں اور حالات پر نظر بنائے ہوئے ہیں۔
