وائناڈ: کیرالہ کے وائناڈ ضلع میں میپاڈی کے قریب مختلف پہاڑی علاقوں میں منگل کی صبح بڑے پیمانے پر ہوئی لینڈ سلائیڈنگ 125 لقمہ اجل بن گئے۔ اس واقعے میں کم از کم 116 افراد زخمی ہوئے ہیں۔ اب بھی کئی افراد کے ملبے تلے دبے ہونے کا خدشہ ہے۔ این ڈی آر ایف اور کیرالہ اسٹیٹ ڈیزاسٹر مینجمنٹ اتھارٹی کی ٹیمیں بچاؤ اور راحت رسانی کے کاموں میں مصروف ہیں۔ امدادی اور بچاؤ کا کام جاری ہے۔
#WATCH | Kerala: Indian Army, NDRF carries out a rescue operation in Chooralmala area of Wayanad where a landslide occurred earlier today claiming the lives of over 70 people. pic.twitter.com/CLwaaXWAbJ
— ANI (@ANI) July 30, 2024
ریاست کے وزیر اعلیٰ پنارائی وجین نے ایک بیان میں اس واقعے پر رنج و غم کا اظہار کرتے ہوئے مرنے والوں کے لواحقین سے تعزیت کا اظہار کیا۔ اسی کے ساتھ انہوں نے ریسکیو آپریشن سے متعلق جانکاری دیتے ہوئے کہا کہ متاثرین کے لیے 118 رلیف کیمپوں کا قیام عمل میں لایا گیا ہے۔
وہیں وزیر اعظم نریندر مودی نے بھی بڑے پیمانے پر ہوئی اموات پر دکھ کا اظہار کیا اور ریاست کے وزیر اعلیٰ پنارائی وجین سے فون پر بات کی۔ انہوں نے تازہ صورت حال اور ریسکیو اور رلیف آپریشن سے متعلق جانکاری لی۔
#WATCH | Kerala: Latest visuals of the rescue operation in Chooralmala area of Wayanad where a landslide occurred earlier today claiming the lives of over 70 people. pic.twitter.com/RGdix0ysc4
— ANI (@ANI) July 30, 2024
غور طلب ہے کہ کیرالہ کے وائناڈ ضلع میں موسلادھار بارش جاری ہے۔ دریں اثنا منڈکئی قصبہ میں آج علی الصبح لینڈ سلائیڈنگ ہوئی۔ اس کے بعد 4.10 بجے کے قریب کلپٹہ میں بھی لینڈ سلائیڈنگ ہوئی۔ بتایا جا رہا ہے کہ اس میں کئی گھر کے لوگ پھنس گئے ہیں۔ ویتھیری تعلقہ، ویلاریمالا گاؤں، میپڈی پنچایت لینڈ سلائیڈنگ سے متاثر ہوئے ہیں۔ وہیں چورمالا سے منڈکئی تک سڑک بہہ گئی۔
#WATCH | Kerala: Latest visuals from the spot in rain-ravaged and landslide hit Chooralmala area of Wayanad.
— ANI (@ANI) July 30, 2024
The landslide claimed the lives of over 70 people. pic.twitter.com/f2r3MLm1ul
بیان میں کہا گیا ہے کہ جن لوگوں کو ہنگامی امداد کی ضرورت ہے وہ ان دو نمبروں 9656938689 اور 8086010833 کے ذریعے حکام سے رابطہ کر سکتے ہیں۔
معلومات کے مطابق چورمالا شہر میں بھی شدید نقصان ہوا ہے۔ کیرالہ اسٹیٹ ڈیزاسٹر مینجمنٹ اتھارٹی (کے ایس ڈی ایم اے) نے کہا ہے کہ فائر بریگیڈ اور این ڈی آر ایف کی کئی ٹیمیں متاثرہ علاقے میں تعینات کی گئی ہیں۔ اس کے علاوہ این ڈی آر ایف کی ایک اضافی ٹیم کو وائناڈ بھیجا گیا ہے۔
کے ایس ڈی ایم اے کی جانب سے فیس بک پر ایک پوسٹ کے مطابق کنور ڈیفنس سکیورٹی کور کی دو ٹیموں کو بھی ہدایت دی گئی ہے کہ وہ بچاؤ کی کوششوں میں مدد کے لیے وائناڈ جائیں۔ متاثرہ علاقوں کے مقامی لوگوں کا کہنا ہے کہ متعدد افراد کے پھنسے ہونے کا خدشہ ہے۔ شدید بارشوں کے باعث امدادی کاروائیوں میں مشکلات کا سامنا درپیش ہے۔
وزیر اعظم ریلیف فنڈ سے رقم دینے کا اعلان
وزیر اعظم نے وائناڈ کے کچھ حصوں میں لینڈ سلائیڈنگ میں ہلاک ہونے والے ہر فرد کے لواحقین کو وزیر اعظم کے قومی ریلیف فنڈ سے 2 لاکھ روپے کی رقم دینے کا اعلان کیا۔ جبکہ زخمیوں کو 50 ہزار روپے دیے جائیں گے۔ وزیر اعظم نریندر مودی نے ایکس پر پوسٹ کرتے ہوئے لکھا کہ 'میں وائناڈ کے کچھ حصوں میں مٹی کے تودے گرنے سے پریشان ہوں۔ میرے خیالات ان تمام لوگوں کے ساتھ ہیں جنہوں نے اپنے پیاروں کو کھو دیا ہے اور زخمیوں کے لیے دعائیں۔ تمام متاثرہ افراد کی مدد کے لیے ریسکیو آپریشن جاری ہے۔ کیرالہ کے سی ایم پنارائی وجین سے بات کی اور وہاں کی موجودہ صورتحال کے پیش نظر مرکز کی طرف سے ہر ممکن مدد کا یقین دلایا۔
Prime Minister announced an ex-gratia of Rs. 2 lakhs from PMNRF for the next of kin of each deceased in the landslides in parts of Wayanad. The injured would be given Rs. 50,000. pic.twitter.com/iDy1Kgaqv2
— ANI (@ANI) July 30, 2024
راہل گاندھی نے وزیر اعلی سے صورتحال کا جائزہ لیا
لوک سبھا میں قائد حزب اختلاف اور وائناڈ کے سابق ایم پی راہل گاندھی نے ایکس پر پوسٹ کرتے ہوئے لکھا کہ میں وائناڈ میں میپڈی کے قریب بڑے پیمانے پر لینڈ سلائیڈنگ سے بہت افسردہ ہوں۔ میں نے کیرالہ کے وزیر اعلیٰ اور وائناڈ کے ضلع کلکٹر سے بات کی ہے۔ انہوں نے مجھے یقین دلایا کہ ریسکیو آپریشن جاری ہے۔ میں نے ان سے درخواست کی ہے کہ وہ تمام ایجنسیوں کے ساتھ ہم آہنگی کو یقینی بنائیں، ایک کنٹرول روم قائم کریں اور امدادی سرگرمیوں کے لیے درکار کسی بھی مدد کے بارے میں ہمیں آگاہ کریں۔ میں مرکزی وزراء سے بات کروں گا اور ان سے وائناڈ کو ہر ممکن مدد فراہم کرنے کی درخواست کروں گا۔ میں یو ڈی ایف کے تمام کارکنوں سے اپیل کرتا ہوں کہ وہ بچاؤ اور راحت کے کاموں میں انتظامیہ کی مدد کریں۔
Wayanad landslide | Lok Sabha LoP and former MP from Wayanad, Rahul Gandhi tweets, " i am deeply anguished by the massive landslides near meppadi in wayanad...i have spoken to the kerala chief minister and the wayanad district collector, who assured me that rescue operations are… pic.twitter.com/qqu7VLH4XN
— ANI (@ANI) July 30, 2024
وزیراعلیٰ نے امدادی کارروائیاں تیز کرنے کی ہدایت کی
سی ایم پنارائی وجین نے تباہ کن لینڈ سلائیڈنگ کے بعد وائناڈ میں ریسکیو آپریشن میں تیزی لانے کی ہدایات دی ہیں۔ انہوں نے اعلان کیا کہ پوری حکومتی مشینری کوششوں میں سرگرم عمل ہے۔ وزراء اس مہم کی نگرانی اور رابطہ کاری کر رہے ہیں۔ کیرالہ کے سی ایم او آفس کے مطابق، فائر اینڈ ریسکیو، سول ڈیفنس، این ڈی آر ایف اور مقامی ایمرجنسی رسپانس ٹیموں کے 250 ارکان وائناڈ چورامالا میں بچاؤ آپریشن میں شامل ہیں۔ این ڈی آر ایف کی ایک اضافی ٹیم کو فوری طور پر موقع پر پہنچنے کی ہدایت دی گئی ہے۔
Wayanad landslide | CM Pinarayi Vijayan has given directions to coordinate the rescue operations in Wayanad promptly following the devastating landslide. He announced that the entire government machinery is actively involved in the efforts, with Ministers overseeing and… pic.twitter.com/DWDXebBxmz
— ANI (@ANI) July 30, 2024
