نئی ممبئی: مہاراشٹر حکومت نے مراٹھا برادری کے تمام اہم مطالبات مان لیے ہیں، جس کے بعد ہفتہ کی صبح یہاں مراٹھوں کی جانب سے احتجاج ختم کر دیا گیا تھا۔ شیو سنگتانہ کے لیڈر منوج جارنگے پاٹل اور سرکاری وفد نے آدھی رات کے قریب تفصیلی بات چیت کی جو کامیاب رہی۔ اس ضمن میں حکومت نے ایک سرکاری نوٹیفکیشن گورنمنٹ ریزولوشن جاری کیا، جس کی ایک کاپی صبح 2 بجے کے قریب جارنگ پاٹل کو سونپی گئی۔
اس کے بعد انہوں نے اپنی ٹیم اور قانونی ماہرین کی ایک ٹیم سے مختلف پہلوؤں پر مشورہ کیا اور پھر احتجاج ختم کرنے کا فیصلہ کیا۔ احتجاج کی قیادت کرنے والے منوج جارنگے پاٹل نے آج علی الصبح میڈیا کو بتایا کہ ’’وزیر اعلیٰ ایکناتھ شندے نے اچھا کام کیا ہے‘‘۔
مہاراشٹر وزیر اعلی ایکناتھ شندے نوی ممبئی گئے اور جارنگ پاٹل کو پھلوں کے رس کا ایک گلاس پیش کیا، جو ان کی تین روزہ بھوک ہڑتال کے خاتمے کی علامت تھی۔ چھ ماہ میں یہ تیسری بار ہے کہ شیوبا سنگھتانا کے لیڈر نے وزیراعلی کے کہنے پر اپنی بھوک ہڑتال ختم کر دی ہے۔ مراٹھا قائدین نے کہا کہ حکومت نے 6 ماہ کے طویل ایجی ٹیشن کے دوران کمیونٹی کے ارکان کے خلاف درج کئے گئے تمام پولیس مقدمات کو واپس لینے کا بھی فیصلہ کیا ہے۔
مزید پڑھیں: مراٹھا ریزرویشن کے لئے لاکھوں افراد کا مارچ
نئی ممبئی میں جمع ہونے والے لاکھوں مراٹھوں نے طویل مہم کی کامیابی پر جشن منایا اس دوران ایک دوسرے سے گلے ملے اور آپس میں مٹھائیاں تقسیم کیں۔ احتجاج میں شامل مراٹھا رہنماوں نے اعلان کیا ہے کہ وہ آج (ہفتہ) کو منصوبہ کے مطابق ممبئی میں داخل نہیں ہوں گے اور آج ایک فتح کی ریلی کے بعد ریاست بھر سے یہاں آئے ہوئے لاکھوں لوگ پرامن طریقے سے اپنے گھروں کو لوٹنا شروع کر دیں گے۔
آئی اے این ایس
