ممبئی: مہادیو بیٹنگ ایپ کیس میں فٹنس ٹرینر ساحل خان ممبئی کرائم برانچ میں پیش ہوئے۔ کرائم برانچ نے آج مہا دیو ایپ معاملہ میں خان کا بیان ریکارڈ کیا۔ ممبئی پولیس کی ایس آئی ٹی 15000 کروڑ روپے کے مہادیو ایپ سٹے بازی کیس میں ساحل خان سے پوچھ گچھ کر رہی ہے۔ آپ کو بتا دیں کہ اس سے پہلے بھی ایس آئی ٹی نے ساحل خان کو طلب کیا تھا اور پوچھ گچھ کے لیے بلایا تھا، لیکن اس وقت وہ نہیں گئے اور گرفتاری سے بچنے کے لیے عدالت کا دروازہ کھٹکھٹایا۔
یہ بھی پڑھیں:
یہ کیس سب سے پہلے ممبئی کے ماٹونگا پولس تھانہ میں درج کیا گیا۔ جس کے بعد اسے کرائم برانچ کے سائبر سیل کو تحقیقات کے لیے منتقل کیا گیا اور پھر ایک ایس آئی ٹی تشکیل دی گئی اور تحقیقات کو آگے بڑھایا گیا۔ اس معاملہ میں اب تک ایک شخص کو گرفتار کیا گیا ہے، اس ایف آئی آر میں انڈر ورلڈ ڈان داؤد ابراہیم کے بھائی مستقیم، سوربھ چندراکر، روی اپل، شُبھم سونی جیسے کئی لوگوں کے نام درج ہیں۔ ساحل خان ہمیشہ سے تنازعہ میں گھرے نظر آئے۔ یہی سبب ہے کہ اس سے پہلے ساحل خان کے خلاف ممبئی سمیت دوبئی میں بھی اُن کے خلاف ایف آئی درج ہوئی ہے اور دوبئی میں ان کے داخلے پر پابندی عائد کی گئی ہے۔
