کولکاتا: مغربی بنگال کے کرشن نگر سے ممتا بنرجی کی قیادت والی ترنمول کانگریس کی امیدوار مہوا موئترا نے منگل کو لوک سبھا انتخابات 2024 کے نتائج کے اعلان کے بعد اپنی بڑی جیت پر خوشی کا اظہار کیا۔ اس کے علاوہ انہوں نے وزیر اعظم نریندر مودی کو نشانہ بنایا اور بنگال کے لوگوں کا شکریہ ادا کیا۔
مہوا موئترا نے اپنی قریبی حریف بھارتیہ جنتا پارٹی کی امیدوار امرتا رائے کو 5 لاکھ 70 ہزار سے زائد ووٹوں سے شکست دی ہے۔ مہوا نے نیشنل ڈیموکریٹک الائنس (این ڈی اے) کو نشانہ بنایا اور وزیر اعظم پر طنز کیا۔ اپنی جیت پر مہر لگانے کے بعد مہوا نے میڈیا سے بات کرتے ہوئے کہا 'میں مغربی بنگال کے لوگوں کو اس بھاری مینڈیٹ کے لیے سلام کرتی ہوں۔
انہوں نے مزید کہا کہ 'میں اپنی جیت سے زیادہ بی جے پی نام کی بری طاقت کی شکست پر خوش ہوں۔ مجھے خوشی ہے کہ مودی جیسے 'جھوٹے اور بیکار وزیر اعظم' کو شکست ہوئی ہے۔ قابل ذکر ہے کہ مہوا کو کیش فار ووٹ کے الزام کے بعد 2024 کے لوک سبھا انتخابات سے پہلے انہیں پارلیمنٹ سے نکال دیا گیا تھا۔ آپ کو بتاتے چلیں کہ اتنے بڑے جھٹکے کے بعد یہ جیت پچھلی مدت کے سب سے مقبول ایم پی کا ایک مضبوط بیان ہے۔
مزید پڑھیں: لوک سبھا انتخابی نتائج 2024: صرف 23 مسلم امیدوار کامیاب، سیاسی پارٹیوں کی بے رخی بنی وجہ
