ہگلی: بی جے پی کی رکن پارلیمان اور مغربی بنگال کے ہگلی ضلع سے امیدوار لاکیٹ چٹرجی اور داسگھرا ہائی اسکول کے پولنگ بوتھ پر پولنگ ایجنٹ ہونے کا دعوی کرنے والے ایک شخص کے درمیان زبردست توتو میں میں ہوئی۔ بی جے پی امیدوار لاکیٹ چٹرجی نے الزام لگایا کہ وہ ٹی ایم سی کے ایجنٹ ہے اور لوگوں کو گمراہ کر رہا ہے۔
لاکیٹ چٹرجی نے اس ترنمول کانگریس کے کارکن کے خلاف کارروائی کا مطالبہ کیا۔لوکیٹ چٹرجی کا کہنا ہے کہ وہ ٹی ایم سی کا ایجنٹ تھا اور اس کے پاس کوئی دستاویزات نہیں ہیں۔ وہ بوتھ کے اندر گئے اور لوگوں سے ٹی ایم سی کی امیدوار کو ووٹ دینے کے لیے کہہ رہے تھے۔ اس کے بعد بھی پولیس کچھ نہیں کر رہی تھی۔
اس واقعے کی اطلاع پاکر اعلیٰ پولیس آفیسر جائے وقوع پہنچے اور حالات کو قابو میں کرنے کی کوشش کی۔پولیس نے رکن پارلیمان کو اس معاملے میں کارروائی کرنے کی یقین دہانی کرائی۔
یہ بھی پڑھیں:پانچویں مرحلے پر ایک نظر: راہل، اسمرتی، عمرعبداللہ، راجناتھ سنگھ سمیت 695 امیدوار میدان میں - Lok Sabha Election 2024
دوسری طرف بیرکپور پارلیمانی حلقہ میں بھی بی جے پی اور ٹی ایم سی کارکنوں کے درمیان جھڑپ ہوئی۔بی جے پی نے ٹی ایم سی پر ووٹرز کو ووٹ ڈالنے سے روکنے کا الزام لگایا۔بی جے پی کے امیدوار ارجن سنگھ نےکہا کہ خواتین ووٹروں کو ٹی ایم سی کارکنان نے روکا تھا۔ پولیس نے اس معاملے پر کوئی کارروائی نہیں کی۔
