یادگیر:ریاست کرناٹک کے ضلع یادگیر کے شاہ پور میں ضلع انتظامیہ کی جانب سے لوک سبھا انتخابات کے مدنظر عام لوگوں میں حق رائے دہی کے استعمال کے لئے بیداری مہم کا اہتمام کیا گیا۔اس موقع پر ووٹنگ مشین کا استعمال، خواتین میں ووٹنگ بیداری کو لے کر مہندی ڈیزائن کے مقابلہ جات ، ووٹرز بیداری ریالیاں ۔ کینڈل مارچ ، پیدل یاترا وغیر کا اہتمام کیا گیا۔
مشہور و معروف شخصیات نے عام لوگوں بالخصوص خواتین سے حق رائے دہی کے استعمال پر زور دیا۔شاہ پور شہر کے بسویشور سرکل سے ہوتے ہوئے سی پی ایس اسکول گراؤنڈ تک خصوصی تھری وہیلر (بائیک ریلی) ، مہیلا سنگھ کی خواتین کی پیدل ریالی ،اور انتظامیہ کے ذمہ داران ایک بیل گاڑی پر سوار ہو کر لوگوں کو ووٹ اور اس کی اہمیت سے متعلق بیداری پیدا کرنے کی کوشش کی گئی ۔
بعد ازاں ووٹرز کو پولنگ اسٹیشنوں کی طرف راغب کرنے کے لیے کھیلوں کی سرگرمیاں کے انعقاد میں حصہ لینے والے اول دوم اور سوم نمبر پر آنے والوں کو انعامات سے نوازا گیا۔
یہ بھی پڑھیں:بنگلورو: کالج کے طلباء کی شہر کی سڑکوں پر ووٹر آگاہی مہم - Lok Sabha Election 2024
اس موقع پر شاہ پور تعلقہ کے اعزازی ای او مسٹر کے پروین کمار، میونسپل کمشنر مسٹر رمیش ، ضلع معذور اور سینئر سٹیزن ویلفیئر آفیسر مسٹر شرن، ضلع الیکشن ایمبیسیڈرس مسٹر بسواراج اور مختلف محکموں کے ضلع اور تعلقہ سطح کے افسران نے شرکت کی۔
