بھلواڑہ:ملک کی دوسری ریاستوں کی طرح راجستھان میں بھی لوک سبھا انتخابات 2024 کے دوسرے مرحلے میں ووٹ ڈالنے کا سلسلہ جاری ہے۔لوک سبھا انتخابات کے دوران ووٹروں میں ووٹنگ کے تئیں جوش و خروش بھی بڑھ رہا ہے۔
لوک سبھا انتخابات 2024 کے تحت بھیلواڑہ میں آج ووٹنگ ہو رہی ہے۔ اس دوران خواجہ سراؤں نے بھی یہاں بڑے جوش و خروش سے ووٹ ڈالا۔ ای ٹی وی بھارت سے خصوصی بات چیت میں خواجہ سراؤں نے تمام لوگوں سے ووٹ ڈالنے کی اپیل کی۔
انہوں نے کہا کہ سب کو ووٹ دینا چاہیے، کوئی یہ نہ سوچے کہ ایک ووٹ سے کیا ہوگا۔ اپنے ملک کو آگے بڑھانے کے لیے تمام لوگوں کو ووٹ دینا چاہیے۔ یہ جمہوریت کا عظیم تہوار ہے، جہاں قوم پرستی کو ووٹ دینا چاہیے۔ تمام ووٹرز پہلے ووٹ دیں اور اس کے بعد دوسری چیزوں کے بارے میں سوچے
غور طلب ہے کہ اس بار بھیلواڑہ لوک سبھا حلقہ میں 10 امیدوار انتخابی میدان میں اپنی قسمت آزما رہے ہیں۔ صبح 7 بجے سے ہی ووٹنگ شروع ہوگئی۔ دریں اثنا، بھیلواڑہ شہر کے باپو نگر کمیونٹی ہال میں تیسری جنس خواجہ سراؤں نے بھی بڑے جوش و خروش کے ساتھ ووٹ ڈالا۔ انہوں نے کہا کہ اس الیکشن میں ہمارے ایشوز ملک کو آگے لے کر جانا ہے۔ اس لیے ہر ووٹر کو ووٹ دینا چاہیے۔ ہر شخص کو اپنا کام چھوڑ کر ووٹ دینا چاہیے۔
یہ بھی پڑھیں:ووٹر آئی ڈی کارڈ کے بغیر ووٹ کیسے ڈالیں؟ - Lok Sabha Elections 2024
انہوں نے کہا کہ تمام ووٹرز اپنے اہم کام چھوڑ کر ووٹ ڈالنے کے لیے گھروں سے باہر نکلیں کیونکہ ہر ووٹ سے ملک آگے بڑھے گا۔ کوئی یہ نہ سوچے کہ ایک ووٹ سے کیا ہوگا۔ ایک تیسری جنس خواجہ سراؤں نے کہاکہ میں ملک کے ووٹروں سے اپیل کرنا چاہوں گا کہ جس کے پاس ووٹر شناختی کارڈ ہے وہ ضرور ووٹ ڈالے۔
